​សិស្សានុសិស្សនៃវិទ្យាល័យចំនួន១៦ និងនិស្សិតនៃសាកលវិទ្យាល័យជាតិគ្រប់គ្រង និងគ្រឹះស្ថានឧត្តមសិក្សាចម្រុះ បានបញ្ជូនតំណាងមកហាត់សម “ក្រឡាដង្ហែ” នៅទីតាំងមុខវត្តឧណ្ណាលោម។ នេះជាការហាត់សមលើការសម្តែងក្បាច់រាំយុវជនប្រចាំវិទ្យាល័យ និងការបង្ហាញជូនជាលើកដំបូងនូវល្បែងប្រជាប្រិយខ្មែរចំនួន ១៦ប្រភេទ ដែលប្រជាជនខ្មែរនិយមលេងនៅពេលបុណ្យចូលឆ្នាំ និងការជួបជុំគ្នាផ្សេងៗទៀត។ ក្រុមការងារក្បួនដង្ហែសូមគោរពថ្លែងអំណរគុណរដ្ឋបាលរាជធានី សមត្ថកិច្ចគ្រប់លំដាប់ថ្នាក់ និងក្រុមការងារប្រតិបត្តិ ដែលបានជួយសម្របសម្រួលការហាត់សមនេះឱ្យប្រព្រឹត្តទៅដោយរលូន៕