ប្រធានាធិបតីអាម៉េរិកលោក Donald Trump កាលពីថ្ងៃសៅរ៍ (ថ្ងៃទី ២១ ខែមីនា) ទុកពេលឲ្យអ៊ីរ៉ង់ ៤៨ ម៉ោងដើម្បីបើកច្រកសមុទ្រ Hormuz ឡើងវិញសម្រាប់ការដឹកជញ្ជូនទំនិញ ឬប្រឈមមុខនឹងការបំផ្លាញហេដ្ឋារចនាសម្ព័ន្ធថាមពលរបស់ខ្លួន ខណៈដែលទីក្រុងតេអេរ៉ង់បានចាប់ផ្តើមការវាយប្រហារលើអ៊ីស្រាអែល។

នៅក្នុងការបង្ហោះមួយនៅលើគណនី Truth Social របស់លោក លោក Trump បាននិយាយថា ប្រសិនបើអ៊ីរ៉ង់មិនបើកផ្លូវទឹកនេះឲ្យបានពេញលេញ និងសុវត្ថិភាពក្នុងរយៈពេលនោះទេ សហរដ្ឋអាមេរិកនឹងបំផ្លាញទីតាំងផលិតថាមពលសំខាន់ៗរបស់អ៊ីរ៉ង់ ដោយចាប់ផ្តើមពីកន្លែងធំបំផុត។

ចាប់តាំងពីសង្គ្រាមរវាងអ៊ីរ៉ង់ និងសម្ព័ន្ធមិត្តដឹកនាំដោយសហរដ្ឋអាមេរិកបានចាប់ផ្តើមនៅថ្ងៃទី ២៨ ខែកុម្ភៈ ឆ្នាំ ២០២៦ អ៊ីរ៉ង់បានរារាំង ឬគំរាមកំហែងច្រកសមុទ្រ Hormuz ដែលជាផ្លូវប្រេង និងឧស្ម័នដ៏សំខាន់បំផុតមួយរបស់ពិភពលោក។ ប្រេង និងឧស្ម័នតាមផ្លូវសមុទ្រប្រហែលមួយភាគប្រាំរបស់ពិភពលោកជាធម្មតាឆ្លងកាត់ផ្លូវតូចចង្អៀតនេះ ដូច្នេះការបិទច្រកសមុទ្រនេះបានជំរុញឱ្យតម្លៃប្រេងឥន្ធនៈឡើងថ្លៃ និងធ្វើឱ្យការផ្គត់ផ្គង់ថាមពលមិនសូវមានស្ថេរភាពនៅជុំវិញពិភពលោក៕