កាលពីថ្ងៃព្រហស្បតិ៍ (ថ្ងៃទី១២ ខែមីនា) អ៊ីរ៉ង់បានប្តេជ្ញាថា នឹងធ្វើឱ្យសហរដ្ឋអាមេរិកសោកស្តាយចំពោះយុទ្ធនាការយោធារបស់ខ្លួនប្រឆាំងនឹងសាធារណរដ្ឋអ៊ីស្លាម ហើយបាននិយាយថា ខ្លួននឹងបន្តការបិទច្រកសមុទ្រ Hormuz ដែលបានជំរុញឱ្យតម្លៃប្រេងសកលកើនឡើងរហូតដល់ ៥០%ចាប់តាំងពីការវាយប្រហារបានចាប់ផ្តើម។

ការប្រឈមមុខដាក់គ្នាកាន់តែខ្លាំងឡើង ដែលបានទាក់ទាញនៅក្នុងអ៊ីស្រាអែល លីបង់ និងរដ្ឋឈូងសមុទ្រនៅទូទាំងតំបន់ បានជំរុញឱ្យទីភ្នាក់ងារថាមពលអន្តរជាតិព្រមានថា ជម្លោះនេះអាចបង្កឱ្យមានការរំខានដល់ការផ្គត់ផ្គង់ដ៏ធំបំផុតដែលឧស្សាហកម្មប្រេងធ្លាប់មាន។ ប្រធានាធិបតីអាម៉េរិក Donald Trump ដែលប្រឈមមុខនឹងសម្ពាធនយោបាយកាន់តែខ្លាំងឡើងលើផលប៉ះពាល់សេដ្ឋកិច្ច បានបដិសេធការព្រួយបារម្ភទាំងនោះ ដោយសរសេរនៅលើប្រព័ន្ធផ្សព្វផ្សាយសង្គមថា ការកម្ចាត់របបផ្តាច់ការរបស់អ៊ីរ៉ង់គឺសំខាន់ជាងតម្លៃប្រេងឆៅ។

លោក Ali Larijani ប្រធានសន្តិសុខអ៊ីរ៉ង់បានព្រមាននៅលើ X ថា សហរដ្ឋអាមេរិកនឹងសោកស្តាយចំពោះការគណនាខុសយ៉ាងធ្ងន់ធ្ងររបស់ខ្លួន។ ការអត្ថាធិប្បាយរបស់លោកបានកើតឡើងបន្ទាប់ពីមេដឹកនាំកំពូលថ្មីរបស់អ៊ីរ៉ង់គឺលោក Mojtaba Khamenei បានចេញសេចក្តីថ្លែងការណ៍ជាលើកដំបូងរបស់លោកចាប់តាំងពីត្រូវបានតែងតាំងកាលពីថ្ងៃអាទិត្យសប្តាហ៍មុន៕