ផ្ទុះការប្រតិកម្មខ្លាំងពេញបណ្ដាញសង្គម ដោយនាពេលថ្មីនេះៗ តារាសម្ដែង និងជាអ្នកលក់បាញ់ត្រាំងដ៏ល្បី អូនផ្កាយ បានបង្កើតនៅ Content មួយដែលជាការធ្វើទីផ្សាលក់បាញ់ត្រាំងលើកលើកដំបូង នៅខេត្តកំពត មាននៅសកម្មភាពដេកដួលបណ្ដាលផ្លូវ ហាក់មើលទៅមិនសមរម្យ និងអាចបណ្ដាលឲ្យមានគ្រោះថ្នាក់ ស្រាប់តែមានមហាជនជាច្រើនបានឃើញផ្ទុះការប្រតិកម្មរិះគន់ជាខ្លាំង។

យ៉ាងណាមិញ រហូតដល់ស្នងការនគរបាលខេត្តកំពតផ្ទាល់បានលើកឡើងបែបនេះថា៖ «សូមជំរាបថាការថតបែបនេះគឺបង្កគ្រោះថ្នាក់ចំពោះអ្នកដំណើរផ្សេងទៀត ជាពិសេសគឺគ្រោះថ្នាក់ចំពោះសាមីខ្លួនផ្ទាល់ ខ្ញុំសង្ឃឹមថានិងមិនមានករណីបែបនេះបន្តកើតមានក្នុងភូមិសាស្ត្រខេត្តកំពតទៀតនោះទេ»។

បន្ទាប់ពីមានមតិប្រតិកម្មដូចនេះ សាមុីខ្លួនក៏បានចេញមុខសុំទោសជាសាធារណៈ និងលុបចោលវិដេអូនោះចេញវិញ ព្រមទាំងសូមសន្យាថានឹងមិនបង្កើតមាតិកា ប្រភេទនេះបន្តទៀតនោះទេ ដែលនេះជាការធ្វេសប្រហែសមិនបានគិតឌិតដល់ សង្ឃឹមថាមហាជននឹងយោគយល់អធ្យាស្រ័យ នៅតែបន្តគាំទ្រអាជីវកម្មរបស់ខ្លួនផងដែរ៕ អត្ថបទដោយ៖ Sun Darasy