នៅវេលាម៉ោង១៣:៣០នាទី ថ្ងៃទី០៤ ខែមីនា ឆ្នាំ២០២៦ មានករណីខ្យល់កន្ត្រាក់ និងភ្លៀងធ្វើឲ្យប៉ះពាល់ផ្ទះប្រជាពលរដ្ឋ រលំ របើកដំបូលចំនួន៣ភូមិ អស់ជាច្រើនខ្នង គឺ៖

១.ភូមិតាម៉ិញ ខូចខាតរលំផ្ទះចំនួន៣ខ្នង ដាច់សំយាបផ្ទះចំនួន២ខ្នង របើកដំបូលក្បឿងចំនួន៣០ខ្នង រលំរោងការចំនួន១រោង រលំបាក់ផ្លាកគណបក្សចំនួន១ផ្ទាំង និងរលំបាក់ផ្លាកយីហោភេសជ្ជ:បូសស្ត្រងចំនួន២ផ្ទាំង

២.ភូមិតាំងស្រឹង ខូចខាតផ្ទះប្រជាពលរដ្ឋរបើកដំបូលក្បឿងចំនួន៣ខ្នង របើកដំបូលស័ង្កសីចំនួន៣ខ្នង និងរលំបាក់ផ្លាកផ្លាកគណបក្សចំនួន១ផ្ទាំង

៣.ភូមិស្រែវៀន ខូចខាតផ្ទះប្រជាពលរដ្ឋរបើកដំបូលក្បឿងចំនួន៤ខ្នង និងរបើកដំបូលស័ង្កសីចំនួន១៦ខ្នង។

សរុបរួម: ហេតុការគ្រោះធម្មជាតិ(ខ្យល់កន្ត្រាក់)នេះ បង្កការប៉ះពាល់ក្នុងឃុំសង្កែសាទបសរុបចំនួន៣ភូមិ បណ្តាលអោយខូចខាតសរុបរួម÷

- រលំផ្ទះចំនួន៣ខ្នង 

- ដាច់សំយាបផ្ទះចំនួន២ខ្នង 

- របើកដំបូលក្បឿងចំនួន៣៧ខ្នង 

- របើកដំបូលស័ង្កសីចំនួន១៩ខ្នង 

- រលំរោងការចំនួន១រោង 

- រលំបាក់ផ្លាកគណបក្សចំនួន២ផ្ទាំង 

- រលំបាក់ផ្លាកយីហោភេសជ្ជ:បូសស្ត្រងចំនួន២ផ្ទាំង 

ប៉ុន្តែករណីនេះមិនបង្កឲ្យមានការរងរបួស ឬគ្រោះថ្នាក់ដល់មនុស្ស និងសត្វទេ៕

ប្រភព៖ សុគា សារព័ត៌មានបាគង