នៅវេលាម៉ោង០៦:៣០នាទី ថ្ងៃទី០៣ ខែមីនា ឆ្នាំ២០២៦ មានករណីឃាតកម្ម០១ បានកើតឡើង បង្កឲ្យមានការភ្ញាក់ផ្អើលនៅចំណុចភូមិប្រាល ឃុំ តានី ស្រុកអង្គរជ័យ ខេត្តកំពត។

ជនសង្ស័យឈ្មោះ សឹង មាគ ភេទប្រុស អាយុ៥៣ឆ្នាំ មុខរបរកសិករ ទីលំនៅបច្ចុប្បន្នភូមិប្រាល ឃុំតានី ស្រុកអង្គរជ័យ ខេត្តកំពត។ បានធ្វើសកម្មភាពយកវត្ថុរឹងមុតកាប់ទៅលើជនរងគ្រោះចំនួន០២នាក់

១/ឈ្មោះ អ៊ុកស៊ីម ភេទប្រុស អាយុ៦៦ឆ្នាំ មុខរបរកសិករ មានទីលំនៅបច្ចុប្បន្នកន្លែងកើតហេតុខាងលើ(ត្រូវចំករចំហៀងខាងឆ្វេងពីរកន្លែង ត្រូវចំក្បាលពីក្រោយចំនួនបួនកន្លែងបណ្ដាលឱ្យស្លាប់នៅនិងកន្លែង)

 ២/ឈ្មោះ ពេជ្រ ញឹប ភេទស្រី អាយុ៦៥ឆ្នាំ មានទីលំនៅបច្ចុប្បន្នភូមិប្រាល ឃុំតានី ស្រុកអង្គរជ័យ ខេត្តកំពត(ស្លាប់នៅកន្លែងកើតហេតុ)(ត្រូវក្បាលខាងក្រោយបីកន្លែង កខាងឆ្វេងមួយកន្លែង)

មូលហេតុ: ដោយសង្ស័យគំនុំ

បច្ចុប្បន្នជនសង្ស័យត្រូវបានកម្លាំងស្នងការនិងកម្លាំងអធិការរដ្ឋាននគរបាលស្រុកអង្គរជ័យកំពុងស្រាវជ្រាវនិងអនុវត្តតាមនីតិវិធី ចំណែកសពជនរងគ្រោះទាំង០២នាក់កម្លាំងជំនាញប្រគល់ជូនអាជ្ញាធរភូមិឃុំធ្វើបុណ្យតាមប្រពៃណីផងដែរ៕