មាតិកាថ្មីៗរបស់ កញ្ញា ពេជ្រ វត្តីសារ៉ាវឌ្ឍី កំពុងតែអង្រួតចិត្តមហាជនផ្ទុះចាប់អារម្មណ៍ និងគាំទ្រជាថ្មីម្ដងទៀត ព្រមទាំងមានចូលទៅស៊ែរចែករំលែកបន្តយ៉ាងច្រើនពេញបណ្ដាញសង្គម ខណៈតារាស្រីរូបនេះបានផលិតនៅវីដេអូថ្មីៗបង្ហាញពីការដើរម៉ូដនៅតាមបណ្ដាខេត្តក៏ដូចជាក្រៅប្រទេស បង្ហាញសម្រស់ដ៏ស្រស់ស្អាតលិចធ្លោគួបផ្សំជាមួយភាពសិចស៊ី និងរាងដ៏ស្រឡូន កាន់តែធ្វើឲ្យគ្រប់គ្នាចាប់អារម្មណ៍ចោលក្រសែភ្នែកមើលព្រោងព្រាត។

ដោយរយៈពេលចុងក្រោយនេះយើងសង្គេតឃើញថាវីដេអូថ្មីៗរបស់ កញ្ញា ពេជ្រ វត្តីសារ៉ាវឌ្ឍី ហាក់មានអ្នកចុចចូលទស្សនាយ៉ាងច្រើនខ្ទង់លានដង ដោយក្នុងនោះមានវីដេអូមួយដែលកញ្ញាផលិតធ្វើឡើងនៅប្រទេសឥណ្ឌូនេស៊ី អាចហក់ឡើងឈានរហូតដល់អ្នកទស្សនាជិត ៣០លានដង ថែមទៀតផង នេះសបញ្ជាក់ថាប្រជាប្រិយភាពរបស់បរវកញ្ញារូបនេះនៅតែមិនថប់ថយ និងកាន់តែមានសន្ទុះកើនឡើងខ្លាំង។

សូមបញ្ជាក់ផងដែរមួយរយៈពេលកន្លងទៅ កញ្ញា ពេជ្រ វត្តីសារ៉ាវឌ្ឍី ធ្លាប់បានបង្ហាញពីឆន្ទៈចង់បង្កើត Content ដើរម៉ូដនៅតាមបណ្តាខេត្ត-ក្រុងទាំង ២៥ ក្នុងគោលបំណងដើម្បីចូលរួមផ្សព្វផ្សាយពីតំបន់ទេសចរណ៍ ក៏ដូចជាចូលរួមធ្វើសប្បុរសធម៌ជួយដល់សង្គមផងដែរ៕ អត្ថបទដោយ៖ Sun Darasy