កម្ពុជាត្រៀមខ្លួនរួចជាស្រេច ក្នុងការធ្វើជាម្ចាស់ផ្ទះនៃវេទិកាសភាអាស៊ី-ប៉ាស៊ីហ្វិក ស្តីពីសុខភាពពិភពលោក លើកទី៩ (9th APPF-GH) ខណៈដែលរដ្ឋសភានៃព្រះរាជាណាចក្រកម្ពុជា បានសហការយ៉ាងជិតស្និទ្ធជាមួយអង្គការសុខភាពពិភពលោក(WHO) ដើម្បីត្រៀមរៀបចំកិច្ចប្រជុំកម្រិតតំបន់ដ៏មានសារៈសំខាន់ក្នុងគោលដៅលើកកម្ពស់សុខុមាលភាពប្រជាពលរដ្ឋជាសកល។ខ្លឹមសារសំខាន់ៗនៃកិច្ចប្រជុំមានដូចជា៖ កិច្ចសហការបច្ចេកទេស៖ WHO គាំទ្រយ៉ាងពេញទំហឹងដល់កម្ពុជា ក្នុងការរៀបចំខ្លឹមសារឱ្យស្របតាមគោលដៅ "ការគ្របដណ្តប់សុខភាពជាសកល (UHC)"។ របៀបវារៈគន្លឹះ៖ ការទប់ស្កាត់ជំងឺមិនឆ្លង (NCDs), សុខភាពផ្លូវចិត្ត, និងការឆ្លើយតបនឹងជំងឺឆ្លងថ្មីៗ។ បរិវត្តកម្មឌីជីថល៖បង្ហាញពីតួនាទីដ៍សំខាន់របស់សភាក្នុងការជំរុញបច្ចេកវិទ្យាឌីជីថល ដើម្បីប្រព័ន្ធសុខាភិបាលដែលមានភាពធន់ និងសមធម៌។

ការធ្វើជាម្ចាស់ផ្ទះនៃវេទិកាសភាអាស៊ី-ប៉ាស៊ីហ្វិក ស្តីពីសុខភាពពិភពលោក លើកទី៩ (9th APPFGH) បង្ហាញសមត្ថភាពដឹកនាំរបស់កម្ពុជាក្នុងតំបន់និងការកៀរគរធនធានដើម្បីដោះស្រាយបញ្ហាប្រែប្រួលអាកាសធាតុ និងវិបត្តិមនុស្សធម៌ផងដែរ៕