ប្រធានាធិបតី Donald Trump បានប្រកាសថា កងនាវាចរអាម៉េរិកដ៏ធំមួយកំពុងធ្វើដំណើរឆ្ពោះទៅកាន់ប្រទេសអ៊ីរ៉ង់ ដែលបង្ហាញពីភាពតានតឹងកាន់តែខ្លាំងឡើង ចំពេលមានការបង្ក្រាបរបស់ទីក្រុងតេអេរ៉ង់លើការតវ៉ា។ ថ្លែងនៅលើយន្តហោះ Air Force One នៅថ្ងៃទី២២ ខែមករា ឆ្នាំ ២០២៦ បន្ទាប់ពីត្រឡប់មកពីវេទិកាសេដ្ឋកិច្ចពិភពលោកនៅទីក្រុងដាវ៉ូស ប្រទេសស្វីស លោក Trump បាននិយាយថា យើងកំពុងតាមដានអ៊ីរ៉ង់យ៉ាងដិតដល់។ មន្ត្រីអាម៉េរិក បានបញ្ជាក់ពីការដាក់ពង្រាយក្រុមវាយប្រហារនាវាផ្ទុកយន្តហោះ USS Abraham Lincoln និងនាវាពិឃាតមីស៊ីលណែនាំជាច្រើនគ្រឿង នឹងមកដល់មជ្ឈិមបូព៌ាក្នុងរយៈពេលប៉ុន្មានថ្ងៃខាងមុខនេះ។លោក Trump បានគំរាមម្តងហើយម្តងទៀតថា នឹងធ្វើអន្តរាគមន៍ប្រឆាំងនឹងទីក្រុងតេអេរ៉ង់ ជុំវិញការសម្លាប់ក្រុមបាតុករនៅទីនោះថ្មីៗនេះ ដោយបានបញ្ឈប់អាជ្ញាធរនៅក្នុងប្រទេសអ៊ីរ៉ង់ពីការប្រហារជីវិតអ្នកតវ៉ាជាង ៨០០ នាក់ បន្ទាប់ពីភាពចលាចលទូទាំងប្រទេសជុំវិញបញ្ហាសេដ្ឋកិច្ច។ លោកបានបញ្ជាក់ជាថ្មីម្តងទៀតថា លោកបើកចំហចំពោះការនិយាយជាមួយថ្នាក់ដឹកនាំរបស់ប្រទេស។

យ៉ាងណាមិញ មន្ត្រីអ៊ីរ៉ង់បានបដិសេធផែនការប្រហារជីវិតមនុស្សដែលបានចូលរួមក្នុងការតវ៉ាប្រឆាំងរដ្ឋាភិបាលយ៉ាងទូលំទូលាយ ដែលបានចាប់ផ្តើមនៅចុងខែធ្នូ រហូតមកដល់ខែមករានេះដែលបណ្តាលឲ្យមានមនុស្សស្លាប់រាប់ពាន់នាក់ រួមទាំងជនស៊ីវិល និងសមាជិកកងកម្លាំងសន្តិសុខ៕