បណ្ដាអ្នកគាំទ្របានបង្ហាញអារម្មណ៍រំភើប និងចូលរួមអបអរសាទរ​ ខណៈស្ងាត់ៗ តារាចម្រៀង លី អ៊ីវ៉ាធីណា និង គូដណ្ដឹងដែលជានារីមានបេះដូងស្រលាញ់ភេទដូចគ្នា បានរៀបចំពិធីមង្គលតាមបែបប្រពៃណីខ្មែរលក្ខណៈគ្រួសារយ៉ាងសាមញ្ញាតែពោលពេញទៅដោយសុភមង្គល បន្ទាប់ពីអ្នកទាំងមានទំនាក់ទំនងសិក្សាយល់ចិត្តគ្នាបានមួយរយៈពេលធំ។

ដោយវីដេអូឃ្លីបក្នុងពិធីសំពះផ្ទឹមត្រូវបានចែកចាយក្នុងបណ្ដាញសង្គមទទួលបានការចាប់អារម្មណ៍ខ្លាំងដោយក្នុងនោះ ស្វាមី តារាចម្រៀង លី អ៊ីវ៉ាធីណា បានរំលេចនូវសំណេរដ៏ផ្អែមល្ហែមថា៖ «ស្នាមញញឹមរបស់អូនទាំងអស់បងមានអារម្មណ៍ថាដូចជាទទួលពរជ័យដ៏មានក្តីសុខ រាល់ពេលវេលាដែលនៅជាមួយអូនមានអារម្មណ៍ថាក្តីសុខខ្លាំងណាស់ មិនអាចរកអ្វីមកកាត់ថ្លៃបានទេ បេះដូងបងមិនអាចគ្មានអូនបានទេសូម្បីតែមួយវិនាទីក៏ដោយ។ បងស្រលាញ់អូន ថ្ងៃជ័យមង្គលមិនបានធំដុំតែក្តីសុខ»។

ក្រោយពីបានឃើញបែបនេះហើយបណ្ដាអ្នកគាំទ្រព្រមទាំងមិត្តរួមអាជីពសិល្បៈជាច្រើនបានចូលរួមអបអរសាទរ ជូនពរឲ្យចំណងស្នេហ៍គូនេះមានក្ដីសុខពោលពេញទៅដោយសុភមង្គលផងដែរ៕ អត្ថបទដោយ៖ Sun Darasy