រដ្ឋមន្ត្រីការបរទេសចិន លោក Wang Yi បានជួបសន្ទនាតាមទូរស័ព្ទដាច់ដោយឡែកជាមួយឧបនាយករដ្ឋមន្ត្រី និងជារដ្ឋមន្ត្រីការបរទេសកម្ពុជា លោក ប្រាក់ សុខុន និងលោករដ្ឋមន្ត្រីការបរទេសថៃ។ លោកបានឲ្យដឹងថា ភាគីទាំងពីរកម្ពុជា និងថៃ បានសម្តែងឆន្ទៈក្នុងការបន្ធូរបន្ថយភាពតានតឹង និងអនុវត្តបទឈប់បាញ់។

លោករដ្ឋមន្ត្រីការបរទេស Wang Yi បានមានប្រសាសន៍ថា លើបញ្ហាព្រំដែនកម្ពុជា-ថៃ ប្រទេសចិនតែងតែតស៊ូមតិដើម្បីការសន្ទនាដោយសន្តិវិធី និងរក្សាជំហរយុត្តិធម៌ និងមិនលំអៀង ខណៈពេលដែលគាំទ្រដល់កិច្ចខិតខំប្រឹងប្រែងសម្របសម្រួលរបស់អាស៊ាន។

លោកបញ្ជាក់ថា បេសកជនពិសេសទទួលបន្ទុកកិច្ចការអាស៊ីមកពីក្រសួងការបរទេសចិនត្រូវបានបញ្ជូនទៅប្រទេសកម្ពុជា និងថៃសម្រាប់ការទូត។ ប្រទេសចិននឹងបន្តបម្រើជាស្ពាន និងខិតខំប្រឹងប្រែងស្ថាបនាដើម្បីសម្រួលដល់ការស្តារសន្តិភាពរវាងប្រទេសទាំងពីរ។