តារាកំប្លែង នាយពាក់មី ព្រមទាំងមហាជនជាច្រើន បានបង្ហាញការសោកស្ដាយជាពន់ពេក ខណៈទទួលបានដំណឹងថាកន្លែងទទួលជំនួយដ៏ធំ EatMore​ ប្រកាសបិទឈប់ទទួលជំនួយត្រឹមយប់ថ្ងៃទី១៥ ខែធ្នូ ឆ្នាំ២០២៥ ក្រោយរងនៅការវាយប្រហារ និងមានមតិវែកញែកពីសំណាក់អ្នកលេងបណ្ដាញសង្គមមួយចំនួនតូចអំពីរឿងរ៉ាវពាក្យសម្ដីតិចតួចធ្វើឲ្យប៉ះពាល់អារម្មណ៍អ្នកស័គ្រចិត្ត ក៏ដូចជាអ្នកយកជំនួយមកជូន។

ដោយក្នុង តារាកំប្លែង នាយពាក់មី បានបង្ហោះសំណេរទាំងអារម្មណ៏សោកសៅបែបនេះថា៖ «សោកស្តាយ​ Eat More​ ឈប់ទទួលជំនួយហេីយ​ ភៀសសិកនៅច្រេីនណាស់​ដែលត្រូវការជំនួយ​»។

ក្រោយពីបានឃើញនូវសំណេរនេះហើយ បណ្ដាអ្នកលេងបណ្ដាញសង្គមជាច្រើនពិតជាមានការស្រណោះ និងសោកស្ដាយ ព្រមទាំងមានអ្នកខ្លះទៀតបានលើកនូវមតិស្រដៀងៗគ្នាថា«បិទមូនិធិមិនមែនជាដំណោះស្រាយល្អសម្រាប់បញ្ហានោះទេ ធ្វើ​ដូចនេះហាក់ដូចជាប្រយោជន៍ប្រជាជនភាសសិកជាច្រើនត្រូវប៉ះពាល់ដោយសារ តែបុគ្គលប៉ុន្មាននាក់ ក្នុងកាលៈទេសៈនេះបងប្អូនខ្មែរ គួរតែអន់ឱនអធ្យាស្រ័យគ្នា​ ព្រោះជាតិកំពុងត្រូវការយេីងសាមគ្គីគ្នា​ផងដែរ»៕