អ្នកនាំពាក្យក្រសួងការបទេសចិនលោក Guo Jiakun នៅថ្ងៃច័ន្ទ ទី១៥ ខែធ្នូ ឆ្នាំ ២០២៥ បាននិយាយនៅក្នុងសន្និសីទសារព័ត៌មានមួយថា ប្រទេសចិនសង្ឃឹមថា ប្រទេសកម្ពុជា និងប្រទេសថៃ នឹងអនុវត្តការអត់ធ្មត់អតិបរមា ចាត់វិធានការទាំងអស់ដែលអំណោយផលដល់ការបញ្ឈប់ការប្រយុទ្ធគ្នា និងបន្ធូរបន្ថយភាពតានតឹងឱ្យបានឆាប់បំផុត។

លោកបានបន្ថែមថា ប្រទេសចិននឹងបន្តធ្វើអ្វីគ្រប់យ៉ាងដែលយើងអាចធ្វើបាន ដើម្បីលើកកម្ពស់ការចរចាដើម្បីសន្តិភាព និងដើរតួនាទីស្ថាបនាតាមមធ្យោបាយផ្ទាល់ខ្លួនរបស់យើង ដើម្បីនាំមកនូវបទឈប់បាញ់ និងស្តារសន្តិភាពឡើងវិញរវាងប្រទេសទាំងពីរ ដោយអនុលោមតាមឆន្ទៈរបស់ភាគីទាំងពីរ៕