នាយកដ្ឋានឧតុនិយមថៃ (TMD) បានចេញសេចក្តីប្រកាសដោយព្រមានអំពីភ្លៀងធ្លាក់ខ្លាំងនឹងកើតឡើងនៅទូទាំងតំបន់ភាគខាងត្បូងខាងក្រោមនៃប្រទេសថៃចាប់ពីថ្ងៃទី ១៤ ដល់ថ្ងៃទី ១៦ខែធ្នូ ឆ្នាំ ២០២៥ ដែលបណ្តាលមកពីខ្យល់មូសុងឦសានដែលកំពុងបក់បោកខ្លាំងលើឈូងសមុទ្រ និងតំបន់ភាគខាងត្បូង។ស្ថានភាពបែបនេះអាចបណ្តាលឲ្យខេត្តជាច្រើនដូចជា ជុមផុន, ស៊ូរ៉ាតថានី, ណាខនស៊ីធម្មរ៉ាត, ផាត់ថាឡុង, សុងក្លា, ប៉ាតានី, យ៉ាឡា, ណារ៉ាធីវ៉ាត, ក្រាប៊ី, ត្រាង និងសាទុន នឹងមានភ្លៀងធ្លាក់ខ្លាំង ដែលនាំឱ្យមានទឹកជំនន់ភ្លាមៗ និងទឹកទន្លេហូរហៀរ ជាពិសេសនៅជិតជើងភ្នំ និងតំបន់ទំនាប។ នៅឈូងសមុទ្រខាងក្រោម រលកអាចឡើងដល់កម្ពស់ ២-៣ ម៉ែត្រ កើនឡើងលើសពី ៣ ម៉ែត្រ ខណៈដែលរលកឈូងសមុទ្រខាងលើអាចមានកម្ពស់ប្រហែល ២ ម៉ែត្រ ឬខ្ពស់ជាងនេះនៅក្នុងស្ថានភាពព្យុះ។

ទន្ទឹមនឹងនេះ ប្រព័ន្ធសម្ពាធខ្ពស់ពីប្រទេសចិននឹងជះឥទ្ធិពលដល់ប្រទេសថៃផ្នែកខាងលើ ដែលនាំមកនូវភ្លៀងផ្គររន្ទះដាច់ដោយឡែក ខ្យល់បក់ខ្លាំង និងសីតុណ្ហភាពធ្លាក់ចុះពី ៣-៥អង្សាសេ នៅភាគឦសាន និង ២-៤អង្សាសេនៅតំបន់ភាគខាងជើង កណ្តាល តំបន់ជុំវិញទីក្រុងបាងកក និងភាគខាងកើត។ អាជ្ញាធរថៃស្នើឲ្យប្រជាពលរដ្ឋគួរតែត្រៀមខ្លួនសម្រាប់អាកាសធាតុប្រែប្រួល និងហានិភ័យសុខភាពពីសីតុណ្ហភាពត្រជាក់៕