តារាចម្រៀងសម្លេងស្រទន់ លោក ថេណា បានសម្រុកជម្លៀសចេញពីផ្ទះនៅខេត្តកោះកុងទាំងយប់ដោយភាពភ័យខ្លាច ខណៈកាលពីយប់មិញនេះ យោធាថៃបានបាញ់ចូលតំបន់កោះយ៉​ នៅ​ភូមិ​សាស្ត្រ​ខេត្តកោះកុង ធ្វើឲ្យប្រជាពលរដ្ឋត្រូវជម្លៀសចេញទាំងយប់ទៅរកកន្លែងដែលសុវត្ថិភាព ដោយលោកបានបង្ហោះសំំណេរទាំងក្ដីឈឺចាប់ ព្រោះខេត្តដែលខ្លួនរស់នៅធ្លាប់តែសុខសន្តិភាពបែបជាជួបរឿងបែបនេះ។

យ៉ាងណាមិញ បើតាមសំណេររបស់ លោក ថេណា បង្ហោះមុននេះបន្ដិចបានរៀបរាប់ថា៖ «កោះកុង​ធ្លាប់​តែ​បាន​សុខ​ឥឡូវ​នាំគ្នា​សម្រុក​បុក​ចេញ​ពី​ផ្ទះ​រួម​ទាំង​ខ្ញុំ​ដែរ​បេីក​ឡាន​មួយ​យប់​ទល់​ភ្លឺ​ »។

ក្រោយពីបានឃើញនៅសំណេរបែនេះហើយ មហាជនជាច្រើនមានបង្ហាញការព្រួយបារម្ភនិងស្រណោះ ព្រមទាំងខឹងសម្បារយ៉ាងខ្លាំងចំពោះយោធាថៃ ដែលបើកការបាញ់ប្រហារមកលើកម្ពុជា ធ្វើឲ្យប្រជាពលរដ្ឋខ្មែរស្លូតត្រង់មានការភ័យខ្លាច ព្រោះកន្លងមកធ្លាប់តែជាប្រទេសមួយដែលពោលពេញទៅដោយសុខសន្តិភាព តែបែជាចលាចរដោយសារតែការឈ្លានពានថៃមិនឲ្យយើងបានសុខ បន្ថែមពីនេះក៏មានបណ្ដាអ្នកគាំទ្រផ្សេងៗទៀតបញ្ចេញមតិដោយក្ដីបារម្ភជូនពរឲ្យ លោក ថេណា ព្រមទាំងប្រជាពលរដ្ឋខ្មែរទាំងអស់ទទួលបានសុខសុវត្ថិភាពផងដែរ៕ អត្ថបទដោយ៖ Sun Darasy