នៅថ្ងៃទី១១ ខែធ្នូ ឆ្នាំ២០២៥ លោក ម៉ៃ ចាន់នាង ប្រធាន ឧត្តុងអ៊ិចប្រេសបានដឹកនាំក្រុមប្រឹក្សាភិបាល និងសមាជិក ចូលរួមកម្មវិធី ចុះអនុស្សរណៈនៃការយោគយល់គ្នា រវាង ក្រុមហ៊ុនឧត្តុងអ៊ិចប្រេស និង ក្រុមហ៊ុនមេធាវី រ៉ូយ៉ាល់។ ពិធីចុះអនុស្សរណៈនៃការយោគយល់គ្នានេះ ធ្វើឡើងនៅទីស្នាក់ការកណ្តាល ក្រុមហ៊ុនមេធាវីរ៉ូយ៉ាល់ ដោយមាន ឯកឧត្តម បណ្ឌិត ហៀង មករា ជាប្រធានក្រុមហ៊ុនមេធាវី រ៉ូយ៉ាល់។

យ៉ាងណាមិញ ពិធីនេះធ្វើឡើងមានគោលបំណងចម្បង គឺដើម្បីលើកកម្ពស់កិច្ចសហប្រតិបត្តិការការរួមគ្នា ផ្លាស់ប្តូរព័ត៌មាន បង្កើនការយល់ដឹង និងចូលរួមដោយផ្អែកលើច្បាប់ បទប្បញ្ញត្តិផ្សេងៗ ក្នុងទិសដៅបង្កើនកិច្ចសម្រួលផ្នែកច្បាប់ក្នុង ការអនុវត្តជាក់ស្តែងក្នុងពាណិជ្ជកម្មទាំងក្នុងស្រុក និងអន្តរជាតិ៕