យោងតាមសេចក្តីប្រកាសរបស់នាយកដ្ឋានឧតុនិយមថៃនៅថ្ងៃព្រហស្បតិ៍ទី១១ខែធ្នូឆ្នាំ២០២៥ បានឱ្យដឹងថា ខេត្តចំនួន៣០ កំពុងត្រៀមខ្លួនទទួលព្យុះភ្លៀងរហូតដល់ចុងសប្តាហ៍ ខណៈភាគខាងត្បូងនឹងជាកន្លែងដែលរងគ្រោះខ្លាំងជាងគេ ចំណែកបាងកកក៏រងឥទ្ធិពលដែរ ខណៈខេត្តទាំង៣០បូករួមទាំងនៅភាគឦសាន ខាងកើត និងកណ្តាលផងនោះ នឹងរងគ្រោះដោយព្យុះភ្លៀងដល់ថ្ងៃអាទិត្យ។

បាតុភូតនេះ នឹងបង្កឡើងដោយប្រព័ន្ធសម្ពាធទាប ដែលស្ថិតនៅពីលើសមុទ្រចិនខាងត្បូងផ្នែកខាងក្រោម ហើយកំពុងធ្វើដំណើរឆ្លងកាត់ ចុងខាងត្បូងនៃប្រទេសវៀតណាម ចូលទៅក្នុង ឈូងសមុទ្រថៃ និង តំបន់ភាគខាងត្បូង រួមផ្សំជាមួយនឹង ខ្យល់មូសុងឦសាន ដែលបក់ពីលើឈូងសមុទ្រ លើតំបន់ភាគខាងត្បូងនិងសមុទ្រអាន់ដាម៉ាន់៕