នៅវេលាម៉ោង ៣៖៣៤ព្រឹកថ្ងៃទី ១១ ខែធ្នូ ឆ្នាំ ២០២៥ មានអគ្គិភ័យយ៉ាងសន្ធោសន្ធៅបានកើតឡើងនៅរោងចក្រប្លាស្ទិកមួយកន្លែង លើផ្លូវបាងផ្លា ឃុំថាតសៃ ស្រុកមឿងសាខន ខេត្តសមុទ្ទសាខន ប្រទេសថៃ។ ក្រុមពន្លត់អគ្គិភ័យនៅក្នុងតំបន់ និងក្បែរនោះត្រូវបានចល័តដើម្បីត្រួតពិនិត្យ និងទប់ទល់នឹងអគ្គិភ័យ។ ក្រុមពន្លត់អគ្គិភ័យបានចំណាយពេលជាង ២ ម៉ោងដើម្បីគ្រប់គ្រងភ្លើងបានទាំងស្រុង។ យ៉ាងណាមិញ នៅមិនទាន់របាយការណ៍អំពីអ្នករបួស ឬស្លាប់នៅឡើយទេ ដោយអាជ្ញាធរកំពុងធ្វើការស៊ើបអង្កេតពីមូលហេតុដែលនាំឲ្យមានអណ្តាតភ្លើងឆាបឆេះបែបនេះ៕