កម្លាំងប៉េអឹមបានដាក់ប៉ុស្តិ៍ឆែកឆេរក៏បានប្រទះឃើញរថយន្តភីកអាប់បើកក្នុងល្បឿនលឿនឆ្លងកាត់ប៉ុស្តិ៍ត្រួតពិនិត្យ។ នៅវេលាម៉ោង១០និង៣០នាទីព្រឹក ថ្ងៃទី២៦ ខែធ្នូ ឆ្នាំ២០២៤ ឧត្តមសេនីយ៍ទោ Kidakorn Chandra មេបញ្ជាការកម្លាំង Pha Muang បានចាត់តាំងមន្ត្រីប៉ូលីស និងភ្នាក់ងារពាក់ព័ន្ធ ឆែកឆេររកឃើញថ្នាំញៀនទម្ងន់ជាង១២០០គីឡូក្រាមនៅខេត្ត Chiang Rai។

សមត្ថកិច្ចបានរកឃើញរថយន្តដឹកទំនិញម៉ាកអ៊ីស៊ូហ្ស៊ុពណ៌ស មានស៊ុមដែកផ្ទុកដោយទំនិញនៅពីក្រោយ ដែលហៀបនឹងបើករថយន្តចុះពីលើភ្នំ ឆ្ពោះទៅតំបន់ផ្ទះល្វែង។ ប៉ុន្តែពេលឃើញគោលដៅដែលសមត្ថកិច្ចត្រួតពិនិត្យ រថយន្តបានបន្ថែមល្បឿនបើកលឿនហួសទៅមុខសមត្ថកិច្ច ទើបនាំឲ្យមានការសង្ស័យ សមត្ថកិច្ច បានដេញតាម។

នៅពេលសមត្ថកិច្ចទៅដល់ អ្នកបើកបរបានទុករថយន្តចោល ហើយរត់ចូលព្រៃបាត់ទៅហើយ។ នៅក្នុងរថយន្តភីកអាប់នោះ សមត្ថកិច្ចបានប្រទះឃើញថ្នាំញៀន៤៤ថង់ ដែលជាសារធាតុញៀនប្រភេទទឹកកកមានទម្ងន់ប្រមាណ២៥-៣៥គីឡូក្រាម ទម្ងន់សរុបប្រមាណ១.២០០គីឡូក្រាម។ បច្ចុប្បន្ន សមត្ថកិច្ចកំពុងស្រាវជ្រាវ តាមចាប់ជនសង្ស័យដែលរត់គេចខ្លួនមកផ្តន្ទាទោសតាមច្បាប់៕