សម្រាប់ព្រឹត្តិការណ៍ព័ត៌មានថ្មីៗប្រចាំថ្ងៃនេះរួមមាន៖

១. ព្រះករុណា ព្រះមហាក្សត្រ នឹងយាងបំពេញព្រះរាជទស្សនកិច្ចនៅខេត្ដហៃណាន នៃសាធារណរដ្ឋប្រជាមានិតចិន

ព្រះករុណា ព្រះមហាក្សត្រកម្ពុជា នឹងយាងទៅបំពេញព្រះរាជទស្សនកិច្ច នៅខេត្តហៃណាន សាធារណរដ្ឋប្រជាមានិតចិន ពីថ្ងៃទី១៩-២១ ខែធ្នូ ឆ្នាំ២០២៤ តបតាមការអញ្ជើញរបស់ភាគីចិន។

២. ឯកអគ្គដ្ឋទូតចិនប្រចាំកម្ពុជា៖ រាល់បំណងប៉ុនប៉ងលាបពណ៌លើកិច្ចសហប្រតិបត្តិរវាងចិននិងកម្ពុជា គឺមិនអាចទៅរួចបានឡើយ

ឯកឧត្តម Wang Wenbin បានសង្កត់ធ្ងន់ថា ភាគីចិននឹងបន្តគាំទ្រយ៉ាងមុតមាំដល់ភាគីកម្ពុជា ក្នុងការកសាងគម្រោងហេដ្ឋារចនាសម្ព័ន្ធពាក់ព័ន្ធនឹងផែនការជីវភាពរស់នៅរបស់ប្រជាជន ហើយរាល់បំណងប៉ុនប៉ងលាបពណ៌លើកិច្ចសហប្រតិបត្តិរវាងចិននិងកម្ពុជា គឺមិនអាចទៅរួចបានឡើយ។

៣. សម្តេចធិបតី ផ្ដល់អនុសាសន៍ ៨ចំណុច ដល់អ្នកសារព័ត៌មានឲ្យប្រកាន់ភ្ជាប់ក្រមសីលធម៌វិជ្ជាជីវៈ

សម្តេចធិបតី ហ៊ុន ម៉ាណែត កោតសរសើរចំពោះស្ថាប័នសារព័ត៌មាន និងអ្នកសារព័ត៌មាន ដែលពុះពារជម្នះរាល់ឧបសគ្គ ចុះយកព័ត៌មាន ចែករំលែក ផ្សព្វផ្សាយព័ត៌មាន បានលឿនរហ័សទាន់សភាពការណ៍ និងទូលំទូលាយទាំងនៅក្នុងក្របខណ្ឌជាតិ និងអន្តរជាតិ ដើម្បីបង្ហាញ ពីសភាពការណ៍ពិតនៅកម្ពុជា។

៤. សម្ដេចធិបតីនាយករដ្ឋមន្រ្តី ជួបសម្តែងការគួរសម និងពិភាក្សាការងារ ជាមួយមេបញ្ជាការនៃបញ្ជាការដ្ឋានឥណ្ឌូប៉ាស៊ីហ្វិក នៃសហរដ្ឋអាមេរិក

សម្ដេចធិបតី ហ៊ុន ម៉ាណែត ជួបជាមួយ នាយឧត្តមនាវី Samuel J. Paparo មេបញ្ជាការនៃបញ្ជាការដ្ឋានឥណ្ឌូប៉ាស៊ីហ្វិក នៃសហរដ្ឋអាមេរិក ក្នុងជំនួបសម្តែងការគួរសម និងពិភាក្សាការងារ នៅថ្ងៃទី១៨ ខែធ្នូ ឆ្នាំ២០២៤។

៥. អាកាសយានដ្ឋានអន្តរជាតិតារាសាគរ ត្រៀមរួចរាល់សម្រាប់ទទួលជើងហោះហើរក្នុងស្រុក នៅចុងខែធ្នូ ខាងមុខនេះ

ត្រៀមរួចរាល់សម្រាប់ទទួលជើងហោះហើរក្នុងស្រុកថ្ងៃ២៦ ខែធ្នូ ឆ្នាំ២០២៤ខាងមុខនេះនៃអាកាសយានដ្ឋានអន្តរជាតិតារាសាគរ នៅក្នុងខេត្តកោះកុង សម្រាប់ការហោះហើរយន្តហោះប្រភេទស្រាលខ្នាតតូចក្នុងស្រុក។

៦. ករណីផ្ទុះគ្រាប់បែកបានសម្លាប់មេបញ្ជាការកងកម្លាំងនុយក្លេអ៊ែររបស់រុស្ស៊ី ខណៈអ៊ុយក្រែនបញ្ជាក់ថាខ្លួនជាអ្នកសម្លាប់

ប្រធានកងកម្លាំងការពារនុយក្លេអ៊ែរ ជីវសាស្ត្រ និងគីមីរបស់យោធារុស្សី ត្រូវបានសម្លាប់នៅពេលលោកចាកចេញទៅការិយាល័យរបស់ ខណៈជំនួយការរបស់ លោកក៏បានស្លាប់នៅក្នុងការវាយប្រហារផងដែរ។

៧. សីតុណ្ហភាពនៅវៀតណាមបន្តធ្លាក់ចុះ ដោយសារឥទ្ធិពលរលកត្រជាក់នៅក្នុងតំបន់មួយចំនួន

សីតុណ្ហភាពក្នុងប្រទេសវៀតណាម បន្តធ្លាក់ចុះកម្រិតទាបបំផុតដែលបានកត់ត្រានៅក្នុងប្រទេសវៀតណាមមិនធ្លាប់មានចាប់តាំងពីរដូវរងាឆ្នាំ ២០២៤-២០២៥ ។ 

៨.សម្តេចតេជោសង្ឃឹមថា កិច្ចសហប្រតិបត្តិការកម្ពុជា-សហរដ្ឋអាមេរិក នឹងកាន់តែត្រូវបានពង្រឹងនិងពង្រីក ក្នុងអាណត្តិរដ្ឋបាលលោក ដូណាល់ ត្រាំ

ជាមួយនឹងការវិលត្រលប់នៃរដ្ឋបាលឯកឧត្តម ដូណាល់ ត្រាំ នាពេលខាងមុខ សម្តេចតេជោ បានថ្លែងនូវក្តីសង្ឃឹមថា កិច្ចសហប្រតិបត្តិការនៃប្រទេសកម្ពុជា និងសហរដ្ឋអាមេរិកនឹងកាន់តែត្រូវបានពង្រឹងនិងពង្រីកបន្ថែមទៀត។

៩. កម្លាំងនគរបាលខេត្តកំពង់ធំ ឃាត់ខ្លួនក្មេងទំនើងចំនួន ០៨នាក់ ពាក់ព័ន្ធករណីបង្ហោះវីដេអូបំពុលសង្គម

កម្លាំងនគរបាលចុះស្រាវជ្រាវបង្រ្កាបឃាត់ខ្លួនក្រុមក្មេងទំនើងចំនួន ០៨នាក់ ដែលបានបង្ហោះវីដេអូតាមបណ្តាញសង្គមហ្វេសបុកដោយមានប្រើដាវ កាំបិតសំញ៉ែងធ្វើអោយប៉ះពាល់សណ្តាប់ធ្នាប់សាធារណៈនិងសន្តិសុខសង្គម។

១០. ត្រឹម ១០ខែ! តួលេខប្រជាជនមីយ៉ាន់ម៉ាស្លាប់ដោយគ្រោះថ្នាក់ចរាចរណ៍មានដល់ជិត ២០០០នាក់

បើយោងតាមនាយកដ្ឋានរដ្ឋបាលដឹកជញ្ជូនផ្លូវគោក របស់ប្រទេសមីយ៉ាន់ម៉ា បានបញ្ចេញរបាយការណ៍ពីគ្រោះថ្នាក់ចរាចរណ៍ដែលបានកើតឡើងក្នុងប្រទេសមានចំនួនសរុប ៣.២៣៤លើក បណ្តាលឲ្យមនុស្សស្លាប់ចំនួន ១.៦៧៦នាក់ និងរបួសចំនួន ៤.៧០៦នាក់ បើគិតចាប់ពីខែមករា ដល់ខែតុលា ឆ្នាំ២០២៤។