កញ្ញា Safiétou Kabengele ជាម្ចាស់មកុដ Miss Grand France 2024 តំណាងឱ្យប្រទេសបារាំង ទៅប្រកួតបន្ត Miss Grand International 2024 នៅប្រទេសថៃ ទទួលបានជ័យលាភីលំដាប់រងទី3 ក្នុងការប្រកួត។ បរវកញ្ញារូបនេះមានវ័យ ២៦ឆ្នាំ មានកំពស់ ១,៨០ម៉ែត្រ ជាជនជាតិបារាំងដើមកំណើតសេណេហ្គាល់ ជាបរវកញ្ញាតែម្នាក់គត់ដែលមិនមានសក់ក្បាល ជាស្ទាយរបស់នាង បានចូលរួមប្រកួតឆ្នាំនេះ ប៉ុន្តែរូបសម្រស់សំបុរខ្មៅរបស់នាងត្រូវបានគេស្ញើចសរសើរយ៉ាងខ្លាំងចំពោះជំនាញសម្តែងនិងការបញ្ចេញមតិឆ្លើយសំនួរនៅមុខមហាជន នាងមានបុគ្គលិកលក្ខណៈល្អ ព្រមទាំងមានរូបរាងទាន់សម័យ បន្ថែមនឹងភាពរួសរាយរាក់ទាក់ថែមទៀតផង។ កន្លងមកនាងក៏ធ្លាប់បានចូលរួមប្រកួតបវរកញ្ញា Miss Normandie ក្នុងឆ្នាំ 2021 និង 2022 ហើយបានឈ្នះជើងឯកលំដាប់រងទី 2 តែនាងនៅតែមិនបោះបង់ឡើយ ដោយទស្សនវិជ្ជារបស់នាងនៅក្នុងជីវិតគឺតែងតែឆ្ពោះទៅមុខជានិច្ច ដើម្បីស្វែងអ្វីដែលប្រសើរជាងនេះសម្រាប់ខ្លួនឯង។ បើទោះបីជានាងទទួលបានមតិចម្រុះរិះគន់ជាច្រើនអំពីការទុកក្បាលទំពែក មិនមានសក់របស់នាងអំឡុងពេលប្រឡងក៏ដោយ ក៏នាងមិនប្រកាន់អ្វីដែរ និងពេញចិត្តជាមួយនឹងស្ទីលប្លែកៗរបស់នាង ព្រោះនាងចង់បង្ហាញថាស្ត្រីស្បែកខ្មៅនិងអត់មានសក់ ក៏មានសមត្ថភាពភាពចូលប្រកួតបានដូចគ្នាដែរ។ ដោយសារតែការតាំងចិត្តពុះពារនេះហើយទើបបណ្ដាឲ្យនាងទទួលបានលទ្ធផលយ៉ាងប្រសើរក្នុងការប្រកួតរហូតទទួលបានជ័យលាភីលំដាក់រងទី3 ក្នុងការប្រកួត Miss Grand International 2024 នៅប្រទេសថៃ។

គួរបញ្ជាក់ផងដែរថា Miss Grand France 2024 ក៏ធ្លាប់បានមកប្រទេសកម្ពុជាយើងម្ដងរួចមកហើយ នាងបានមកទស្សនាសិក្សាស្វែងយល់ពីទីកន្លែង និងប្រវិត្តសាស្រ្តខ្មែរ ក៏ដូចជាបានភ្លក់នៅរសជាតិម្ហូបឆ្ងាញ់ដោយក្ដីពេញចិត្ត ដោយសារកម្ពុជាយើងបានទទួលស្វាគមន៍យ៉ាងកក់ក្ដៅទៅកាន់រូបនាងផង រូបនាងត្រូវគេស្រលាញ់រាប់អានជាខ្លាំងនៅក្នុងបណ្តាញសង្គម ដោយសារកាយវិការចេញពីបេះដូងពិត យកចិត្តទុកដាក់ជាមួយមិត្តភ័ក្រ្ក និង មិនចេះប្រកាន់ខ្លួន៕ សម្រួសដោយ៖ Sun Darasy