យុវតី ជូរី ល្អហួស ម្ចាស់មកុដ Miss Preteen Junior Idol World 2024 ដែលជាកូនស្រីសំណព្វចិត្តរបស់ អ្នកនាង ដេនីខ្វាន់ បានបង្ហាញនូវបទមួយដែលច្រៀង និងផលិតឡើងវិញធ្វើឲ្យបណ្ដាអ្នកគាំទ្រមានការភ្ញាក់ផ្អើលចាប់អារម្មណ៍ ដោយបទចម្រៀងមួយបទនេះជាប្រភេទបទញាក់កន្រ្តាក់អារម្មណ៍រួមផ្សំជាមួយកាយវិការដ៏រស់រវើកក្នុងការរាំក៏ដូចជាភាពសិចស៊ីក្នុងឈុតសំលៀកបំពាក់នីមួយៗទៀតនោះ កាន់តែធ្វើឲ្យបទចម្រៀងមួយនេះមានភាពទាក់ទាញទទួលបានការចែករំលែកយ៉ាងច្រើនពីសំណាក់មហាជន។

ក្នុងនោះ យុវតី ជូរី ល្អហួស ដែលជាសិល្បៈការិនីវ័យក្មេងមួយរូបនេះ នាងមានជំនាញសិល្បៈចេះស្ទើរតែគ្រប់ទម្រង់ អាចបត់បែនតាមកាលៈទេសៈ ទាំងនេះគឺបានមកពីទេពកោសល្យសមត្ថភាពពីកំណើតផ្តល់ឲ្យផង និងមានការបង្ហាត់បង្រៀនពីលោកគ្រូអ្នកគ្រូ តាំងតែក្មេងវ័យផង ដែលចំនុចខ្លាំងទាំងនេះហើយបានរុញច្រានរូបនាងឲ្យមានភាពក្លាហាន ហ៊ានបញ្ចេញសមត្ថភាព ទទួលបានភាពល្បីល្បាញមកទល់សព្វ​ថ្ងៃ ក្នុងនោះទៀតសោតគឺគួបផ្សំជាមួយរូបសម្រស់ដ៏ស្រស់សោភា និងមានទឹកចិត្តដ៏ប្រពៃក្នុងការងារសប្បុរសធម៌ដែលត្រងចំនុចនេះហើយ ដែលមហាជនពេញចិត្តតែងតែរង់ចាំគាំទ្រនាងគ្រប់ការប្រឡងក៏ដូចជាការសម្ដែងផ្សេងៗទៀតផងដែរ៕ សម្រួលដោយ៖ Sun Darasy