សម្រាប់ព្រឹត្តិការណ៍ព័ត៌មានថ្មីៗប្រចាំថ្ងៃនេះរួមមាន៖

១. CAC មានសុទិដ្ឋិនិយមជម្រុញផលិតភាពគ្រាប់ស្វាយចន្ទី និងបង្កើតការងារធ្វើ

កម្ពុជាបានក្លាយជាប្រទេសផលិតគ្រាប់ស្វាយចន្ទីឆៅធំជាងគេទី២នៅលើពិភពលោក ជាមួយនឹងបរិមាណដ៏គួរឱ្យចាប់អារម្មណ៍គឺ ៨៣០.០០០តោនក្នុងរយៈពេល៧ខែដំបូងនៃឆ្នាំ២០២៤នេះ! នេះបើយោងតាមការបញ្ជាក់របស់សមាគមន៍គ្រាប់ស្វាយចន្ទីកម្ពុជា ហៅកាត់ថា(CAC)។

២. គ្រឹះស្ថានសិក្សាទាំងអស់ ឯកភាពគ្នា មិនដំឡើងថ្លៃសិក្សាសម្រាប់ឆ្នាំសិក្សាថ្មី២០២៤-២០២៥

ការលើកកម្ពស់គុណភាពវិស័យអប់រំ និងកសាងមូលធនមនុស្សជាអាទិភាពដ៏សំខាន់ និងចាំបាច់បំផុត ដែលត្រូវបានកំណត់នៅក្នុងគោលនយោបាយជាអាទិភាពរបស់រាជរដ្ឋាភិបាល។ ក្នុងន័យនេះ រាជរដ្ឋាភិបាលបានផ្តល់ការគាំទ្រ និងដាក់ចេញនូវគោលនយោបាយអនុគ្រោះជាបន្តបន្ទាប់ សំដៅលើកទឹកចិត្ត និងជួយសម្រួលដល់វិស័យអប់រំ ជាពិសេសដើម្បីជួយសម្រាលបន្ទុកចំណាយដល់សកលវិទ្យាល័យ សាលារៀន ក៏ដូចជាឪពុកម្តាយ អ្នកអាណាព្យាបាល និងសិស្ស-និស្សិត។

៣. ពិធីចុះហត្ថលេខា កិច្ចព្រមព្រៀងហិរញ្ញប្បទានឥតសំណង និងបច្ចេកទេស សម្រាប់គម្រោងសុខភាពតែមួយនៅកម្ពុជា 

ពិធីចុះហត្ថលេខា លើកិច្ចព្រមព្រៀងហិរញ្ញប្បទានឥតសំណង និងកិច្ចព្រមព្រៀងបច្ចេកទេស សម្រាប់គម្រោងសុខភាពតែមួយនៅកម្ពុជា (One Health for Cambodia) ក្រោមអធិបតីភាពឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងឯកឧត្តម ឌិត ទីណា រដ្ឋមន្រ្តីក្រសួងកសិកម្ម​ រុក្ខាប្រមាញ់​ និងនេសាទ​។

៤. ក្រសួងធនធានទឹក និងឧតុនិយម ពន្យល់ពីការដាក់ឈ្មោះព្យុះ

ក្រសួងធនធានទឹក និងឧតុនិយម បានចេញសេចក្តីពន្យល់ស្តីពីការដាក់ឈោ្មះព្យុះនៅក្នុងអាងមហាសមុទ្រប៉ាស៊ីហ្វិកខាងលិច និងសមុទ្រចិនខាងត្បូង។

៥. អបអរសាទរ! តារាសម្ដែង សារ៉ាយ សក្ខណា ទទួលបានសមាជិកថ្មីទី៣ មុខមាត់គួរឲ្យក្នាញ់

អ្នកនាង សារ៉ាយ សក្ខណា តារាសម្ដែងស្រីក៏មានប្រជាប្រិយភាពមួយរូប បានសម្រាលកូនទី៣ ដោយជោគជ័យសុវត្ថិភាព និងសុខភាពល្អទាំង ម្ដាយ និងកូនប្រុស នៅល្ងាចថ្ងៃទី ០១ ខែវិច្ឆិកា ឆ្នាំ ២០២៤ នៅមន្ទីរពេទ្យឯកជនមួយក្នុងប្រទេសកម្ពុជា ដោយតារារូបនេះមិនមិនបានទៅសម្រាលនៅសហរដ្ឋអាមេរិកឡើយ។

៦. សាកទូរស័ព្ទ​ឆ្លងចរន្តអគ្គិសនី បង្កជាអគ្គិភ័យឆាបឆេះផ្ទះល្វែង​មួយ នៅខណ្ឌឫស្សីកែវ

ករណីអគ្គិភ័យមួយ​កន្លែងកើតឡើងនៅចំណុចផ្ទះលេខ១២៩​ ផ្លូវបេតុង​ ក្រុមទី​០២​ ភូមិបាក់ទូក​ សង្កាត់ទួលសង្កែទី១ ខណ្ឌឫស្សីកែវ បង្កឲ្យមានការភ្ញាក់ផ្អើលនៅវេលាម៉ោង៤:០០នាទីល្ងាច ថ្ងៃទី០២ ខែវិច្ឆិកា ឆ្នាំ២០២៤។

៧. ទោះជីវភាពខ្វះខាត ឪពុកម្តាយជាកម្មករអនាម័យ ក៏ប្អូនប្រុសតស៊ូសិក្សារហូតទទួលបាននិទ្ទេស A

យុវសិស្ស ស៊ុន រ៉ាវុធ ជាសិស្សសិក្សានៅ វិទ្យាល័យថ្មគោល ខេត្តបាត់ដំបង ទទួលបាននិទ្ទេស A ក្នុងលទ្ធផលប្រឡងថ្នាក់មធ្យមសិក្សាទុតិយភូមិ ឆ្នាំសិក្សា២០២៤។ 

៨. ខេត្តសៀមរាប ជាប់ចំណាត់ថ្នាក់ជាគោលដៅទេសចរណ៍ពេញនិយមបំផុត សម្រាប់ប្រជាជនអូស្ត្រាលី

សូមអបអរសាទរ ខេត្តសៀមរាប នៃព្រះរាជាណាចក្រកម្ពុជា ត្រូវបានជាប់ចំណាត់ថ្នាក់ជាគោលដៅទេសចរណ៍ពេញនិយមបំផុត សម្រាប់ប្រជាជនអូស្ត្រាលី នៅឆ្នាំ២០២៥៕