អ្នកនាង សារ៉ាយ សក្ខណា តារាសម្ដែងស្រីក៏មានប្រជាប្រិយភាពមួយរូប បានសម្រាលកូនទី៣ ដោយជោគជ័យសុវត្ថិភាព និងសុខភាពល្អទាំង ម្ដាយ និងកូនប្រុស នៅល្ងាចថ្ងៃទី ០១ ខែវិច្ឆិកា ឆ្នាំ ២០២៤ នៅមន្ទីរពេទ្យឯកជនមួយក្នុងប្រទេសកម្ពុជា ដោយតារារូបនេះមិនមិនបានទៅសម្រាលនៅសហរដ្ឋអាមេរិកឡើយ។

ក្នុងនោះតាមរយៈការបង្ហោះក្នុងបណ្ដាញសង្គមផ្ទាល់របស់ អ្នកនាង សារ៉ាយ សក្ខណា នាងបានបង្ហាញពីមុខមាត់កូនប្រុសព្រមទាំងបានដាក់ឈ្មោះយ៉ាងពិរោះថា កែវ សុវណ្ណណាបុត្រ ហៅ (Chandrik) ទន្ទឹមនឹងនោះ យើងក៏សង្កេតឃើញថាមានមិត្តរួមអាជីពសិល្បៈជាច្រើនបានទៅសួរសុខទុក ព្រមទាំងបង្ហោះនូវសារចូលរួមអបអរសាទរដល់អ្នកនាង និង ស្វាមី ដែលទើបតែទទួលបានសមាជិកថ្មីទី ៣ យ៉ាងគួរឱ្យក្នាញ់។

គួរបញ្ជាក់ផងដែរថា តារាសម្ដែង សារ៉ាយ សក្ខណា នាងបានរៀបការចាប់ដៃសាងគ្រួសារជាមួយលោក កែវ ប៊ុនមេត្រី ជាអាណិកជនខ្មែរ រស់នៅ​ស​ហ​​រដ្ឋអាមេរិក អស់រយៈពេលជាង ១០ឆ្នាំ យ៉ាងមានសុភមង្គលទទួលបានចំណងដៃកូនប្រុសស្រីចំនួន ៣នាក់ ស្រី១ ប្រុស២ ព្រមទាំងបង្កើតមុខជំនួញជាច្រើនរួមគ្នានៅក្នុងដៃ និងអាជីពសិល្បៈក៏មានទីផ្សារខ្លាំងផងដែរ៕

សម្រួលដោយ៖ Sun Darasy