ក្រសួងកសិកម្មសហរដ្ឋអាមេរិក (USDA) បាននិយាយថា កាលពីថ្ងៃពុធថាជ្រូកមួយក្បាលនៅរដ្ឋ Oregon បានធ្វើតេស្តវិជ្ជមានសម្រាប់វីរុសផ្តាសាយបក្សី H5N1 ហើយនេះ​ជា​លើក​ទី​មួយ​ហើយ​ដែល​មេរោគ​ត្រូវ​បាន​គេ​រក​ឃើញ​នៅ​ក្នុង​ជ្រូក​នៅ​សហរដ្ឋ​អាមេរិក។ក្រសួងកសិកម្មសហរដ្ឋអាមេរិក បានឲ្យដឹងទៀតថា កសិដ្ឋាន Oregon ត្រូវបានដាក់ឲ្យនៅដាច់ដោយឡែកដើម្បីការពារកុំឲ្យរីករាលដាលនៃមេរោគ។ លទ្ធផលធ្វើតេស្តកំពុងរង់ចាំសម្រាប់ជ្រូកពីរផ្សេងទៀតដែលបានរកឃើញនៅក្នុងកសិដ្ឋាននៅ Crook County រដ្ឋ Oregon ខណៈពេលដែលពីរផ្សេងទៀតបានធ្វើតេស្តអវិជ្ជមាន។ ចំពោះជ្រូក​ដែល​ធ្វើ​តេស្ត​វិជ្ជមាននោះគឺ​មិន​មានរោគ​សញ្ញា​ជំងឺនោះ​ទេ។ករណី​នេះ​មាន​ការ​ព្រួយ​បារម្ភ​ព្រោះ​ជ្រូក​អាច​ឆ្លង​មេរោគ​ទាំង​បក្សី និង​មនុស្ស​ក្នុង​ពេល​តែ​មួយ​ដែល​អាច​បង្ក​ឱ្យ​មាន​ការ​ប្រែប្រួល​ដែល​ងាយ​ឆ្លង​ទៅ​មនុស្ស។ ក្រុមមន្ត្រីបាននិយាយថា មិនមានការព្រួយបារម្ភអំពីសុវត្ថិភាពផ្គត់ផ្គង់សាច់ជ្រូករបស់ប្រទេសនេះទេ។USDA បាននិយាយថា កសិដ្ឋាននេះមិនមែនជាពាណិជ្ជកម្មទេ ហើយសត្វទាំងនោះមិនត្រូវបានបម្រុងទុកសម្រាប់ផ្គត់ផ្គង់អាហារពាណិជ្ជកម្មនោះទេ។ បន្ថែម​ពី​នេះ កសិដ្ឋាន​ត្រូវ​បាន​ដាក់​ឲ្យ​នៅ​ដាច់​ដោយ​ឡែក ដើម្បី​ការពារ​​រីក​រាល​ដាល​នៃ​មេរោគ។ ក្រុមមន្ត្រីបាននិយាយថា ចៀម ពពែ និងសត្វដទៃទៀតនៅក្នុងកសិដ្ឋានក៏កំពុងស្ថិតក្រោមការឃ្លាំមើលផងដែរ៕

សម្របសម្រួលអត្ថបទដោយ៖ ផល្លីកា