អ្នកស្រុក ឬ អ្នកទីក្រុង នៅក្រុងមូស្គូប្រទេសរុស្ស៊ី កំពុងរីករាយនឹងរដូវស្លឹកឈើជ្រុះដ៏រីករាយរបស់ពួកគេជាពន់ពេក ព្រោះវាជារដូវកាលមួយដែលប្រជាជនជឿជាក់ថា គឺជារដូវដែលមានអាកាសធាតុស្រស់ស្រាយបំផុត ក្នុងចំណោមអាកាសធាតុទាំង ៤រដូវកាលនៅរុស្ស៊ី។

បើទោះបីជា តាមការព្យាករណ៍ អាកាសធាតុនៅទីក្រុងមូស្គូនេះហាក់មានការកើនឡើងជាងទីក្រុងផ្សេងទៀតរបស់រុស្ស៊ីក្តី និងបើទោះបីជាអាកាសធាតុប្រែប្រួលមិនស្ថិតស្ថេរក៏ដោយ តែក៏នៅតែជារដូវកាលដែលប្រកបដោយភាពកក់ក្តៅក្នុងជីវិតរបស់ពួកគេ និងជាភាពរីករាយសម្រាប់ប្រជាជនក្នុងទីក្រុងនេះ។

កាលពីខែកញ្ញាកន្លងទៅនេះ នៅក្នុងទីក្រុងមូស្គូ មានសីតុណ្ហភាព១២.២អង្សាសេ ដែលវាក្តៅជាងឆ្នាំមុន ២អង្សារ។ ទោះបីជាក្នុងខែតុលានេះ ត្រជាក់ជាងបន្តិចក៏ដោយ ប៉ុន្តែខែវិច្ឆិកា សីតុណ្ហភាពនឹងកើនកម្តៅជាងឆ្នាំមុនៗ តែក៏មានលាយឡំនឹងភ្លៀងធ្លាក់ច្រើន រួមនឹងធ្លាក់ព្រិលផងដែរ៕