បណ្ដាអ្នកគាំទ្រតារាសិល្បៈថៃជាច្រើនបានសម្ដែងអាម្មរណ៍តក់ស្លុត និងសោកស្ដាយយ៉ាងខ្លាំង ក្រោយលឺដំណឹងដ៏សោកសៅថាតារាសម្ដែងថៃដ៏ល្បីប្រចាំប៉ុស្ដិ៍លេខ៧ថៃ លោក Aom Akkaphan បានទទួលមរណភាព ក្នុងអាយុ ៣៩ ឆ្នាំ ដោយសារជំងឺមហារីក។

ដោយកន្លងមកតារាសម្ដែងប្រុសរូបនេះតែងតែបង្ហាញមុខក្នុងរឿងភាគល្បីៗ និងបានក្ដោបបានឱកាសជាតួរឯកជាច្រើនរឿងក្នុងប៉ុស្ដិ៍លេខ៧ តែជាអកុសលដោយសារតែស្ថានភាពជំងឺរបស់លោកហាក់មិនល្អ ទើបធ្វើឲ្យតារាប្រុសរូបនេះបង្ខំចិត្តឃ្លៀតឆ្ងាយពីសិល្បៈអស់រយៈពេលជាច្រើនឆ្នាំ ត្រូវសម្រាកព្យាបាលដោយចាក់​គីមី និងបាន​វះកាត់ជាច្រើនដង ដោយលោកមានជំងឺមហារីកសាច់ដុំបេះដូង។

គួរបញ្ជាក់ផងដែរថាដំណឹងមរណភាពរបស់តារាសម្តែងប្រុស លោក​ Aom Akkaphan ត្រូវបានទំព័រ Facebook ផ្លូវការរបស់ប៉ុស្តិ៍លេខ ៧ថៃ បានបង្ហោះឱ្យដឹងនៅថ្ងៃទី ២២ ខែកញ្ញា ឆ្នាំ ២០២៤ នេះ ដោយធ្វើឲ្យហ្វេនៗរបស់លោកជាច្រើនមានការរន្ធត់ចិត្តសោកស្ដាយ និងបានចូលរួមរំលែកទុក្ខដល់គ្រួសាររបស់គាត់ផងដែរ៕ សម្រួលដោយ៖ Sun Darasy