បណ្ដាអ្នកគាំទ្រវិស័យបវរកញ្ញា កំពុងតែផ្ទុះការវែកញែក ព្រមទាំងលាយឡំនិងពាក្យរិះគន់ ខណៈបេក្ខនារីប្រលង Miss Planet Cambodia 2024 ម្នាក់ គឺកញ្ញា Ny Phalla តំណាងឲ្យខេត្តកំពង់ធំ បានឆ្លើយសំណួរដោយមានភាពភិតភ័យធ្វើឲ្យភ្លេចភ្លាំង និងនិយាយមិនត្រូវពាក្យជាដើម។

ជុំវិញមតិវែកញែកនេះ ក៏មានអ្នកខ្លះទៀតបានចូលទៅលើកទឹកចិត្តដល់នាងជាច្រើន ដោយបានយល់ថាការប្រឡងតែងតែមានកំហុសឆ្គងតិចតួចគ្មានអ្នកណាម្នាក់អាចហាមបាននោះឡេីយ តែគ្រប់គ្នាក៏ឃើញពីការខិតខំប្រឹងប្រែងរបស់បេក្ខនារីរូបនេះ បានកែប្រែស្ថានការណ៍បានយ៉ាងល្អ អាចបញ្ចាប់ការឆ្លើយសំណួរ ធ្វើឲ្យទស្សនិកជន ដែលទស្សនាផ្ទាល់បានស្រែកហ៊ោរជាការផ្តល់កម្លាំងចិត្តទៅកាន់រូបនាងថែមទៀតផង។

យ៉ាងណាមិញត្បិតតែនាងមានកំហុសឆ្គងបន្ដិចត្រង់ចំនុចនេះក៏ពិតមែន តែវាមិនមែនជាឧបសគ្គនោះឡើយ ពោលគឺបវរកញ្ញារូបនេះបានឈានដល់ចូលចំណោម Top 5 នៃកម្មវិធីMiss Planat Cambodia 2024 បានផងដែរ៕ សម្រួលដោយ៖ Sun Darasy