ឈាមមានប្រយោជន៍ខ្លាំងណាស់ ចំពោះរាងកាយដោយមានខួរឆ្អឹង ជាអ្នកផលិតឈាម ដើម្បីឲ្យឈាម ជួយនាំយកអុកស៊ីសែនទៅប្រើ ក្នុងការដុតបំផ្លាញថាមពលនិងជួយ នាំយកសារជាតិអាហារ ទៅទ្រទ្រង់កោសិកាផ្សេងៗក្នុងរាងកាយ។

ឈាមអាចដំណើរការខុសប្រក្រតី និង ពុំសូវមានប្រសិទ្ធភាព ប្រសិនបើអ្នកខ្វះសារធាតុអាហារ ដែលចាំបាច់ក្នុងការផលិតឈាម ឬកើតរោគប្រភេទខ្លះ។

កត្តានេះធ្វើឲ្យឈាមត្រូវផលិត ច្រើនជ្រុល ឬតិចពេក ។ ដូច្នេះដើម្បីការពារ បញ្ហាទាំងឡាយដែលទាក់ទង ទៅនឹងឈាមគួរទទួលទានអាហារ ដែលមានប្រយោជន៍ ក្នុងការផលិតឈាម ដើម្បីកាត់បន្ថយភាវៈខ្វះឈាម។

 អាស៊ីតខ្លាញ់ ដែលបានមកពីប្រេងត្រី ដូចជាត្រីសាឌីន ត្រីធូណា ត្រីសាម៉ុង សុទ្ធតែសម្បូរទៅដោយអូមេហ្គា ដែលអាស៊ីតប្រភេទនេះ ជួយឲ្យឈាមរត់បានល្អ និងជួយកាត់បន្ថយកម្រិតកូលេស្តេរ៉ូលក្នុងឈាមទៀតផង។

 វីតាមីន B12 ជួយក្នុងផលិត និងបែកចែកកោសិកាគ្រាប់ឈាម។ ប្រភពដែលសម្បូរវីតាមីននេះ រួមមានផលិតផលទឹកដោះគោ ស៊ុត ត្រី និងសាច់សត្វ។

 សារជាតិអាហារដែលមានអាស៊ីតហ្វូលិករួមមាន ផ្ទី ទំពាំងបារាំង សណ្តែកក្រហម អាវ៉ូកាដូ ល្ពៅ ត្រសក់ ខេនតាលូប ស៊ុតក្រហមជួយឲ្យខួរឆ្អឹងផលិតគ្រាប់ឈាមក្រហម ការពារភាវៈខ្វះឈាម។

 ធាតុដែកការពារភាវៈខ្វះឈាម ចំពោះស្ត្រី ដែលមានរដូវមកច្រើនខុសប្រក្រតី គួរតែទទួលទានថ្លើមសត្វ សាច់ជ្រូក ស៊ុតក្រហម សណ្តែក ងាវ ទំពាំងបារាំង ស្រូវអូត។

 ត្រូវចៀសវាងអាហារណាដែលមានសារ ធាតុផ្សំរបស់សារធាតុធេននីន និងហ្វៃតេត

 ត្រូវកាត់បន្ថយអាហារដែលមានខ្លាញ់ឆ្អែតបានពីសត្វ ដូចជាប៊័រ ហ្វ្រូម៉ា ខ្លាញ់សត្វ សាច់ក្រក សាច់ជ្រូកប្រឡាក់។

 ត្រូវកាត់បន្ថយការទទួលទានស្ករខាត់សខ្ពស់ ព្រោះវាធ្វើឲ្យបង្កើនកម្រិតកូលេស្តេរ៉ូលក្នុងឈាម

 ទទួលទានអំបិល ឬអាហារ ដែលមានរសជាតិប្រៃក្នុងកម្រិតមួយទាប ដើម្បីកាត់បន្ថយការប្រមូលផ្តុំ នៃអង្គធាតុរាវក្នុងរាងកាយ។

 ចៀសវាងការទទួលទានស្រា ដោយសារតែវាធ្វើឲ្យកម្រិត ស្ករក្នុងឈាមចុះទាប។ ប្រែសម្រួល៖ ហង្ស សុបញ្ញា