តារាសម្ដែងស្រីជើងចាស់ Anne Thongprasom រំភើបចិត្តស្ទើរស្រក់ទឹកភ្នែក ក្រោយនាងបានឈ្នះរឿងក្ដីដែលបានសើបអង្គេតអស់រយៈពេលជាង ២ឆ្នាំ ដោយតារាស្រីរូបនេះបានបាត់គ្រឿងពេជ្រមានតម្លៃជាង ២០លានបាត ស្មើរនឹង ជាង៥០មុឺនដុល្លារ ដោយអ្នកស្និតស្នាលនាងជាង ១០ឆ្នាំបានលួចយកទៅលក់ និងបញ្ចាំ ដំបូងឡើយនាងគិតថាជាមនុស្សស្និតស្នាលមិនចង់មានរឿងក្ដីប្ដឹងផ្ដល់នោះទេ សុំឲ្យតែយករបស់នោះឲ្យនាងវិញ តែបុគ្គលនោះមិនព្រម រហូតនាងដាច់ចិត្តដាក់ពាក្យប្ដឹងដើររឿងក្ដីនេះអស់រយៈពេលជាង ២ឆ្នាំទើបតុលាការសម្រេចឲ្យនាងឈ្នះក្ដីនេះ ហើយបុគ្គលនោះត្រូវតែយករបស់ដែលបានលួចទៅមកប្រគល់ឲ្យនាងវិញទាំងអស់។

្នកន្លងមកតារាស្រីរូបនេះបានព្យាយាមគ្រប់សព្វបែបយ៉ាងដើម្បីប្រមូលរបស់នោះមកវិញសួរនៅតាមហាងបញ្ចាំផ្សេងៗប្រមូលបានមួយចំនួនហើយ តែនៅមិនឃើញខ្សែករដែលមានតម្លៃថ្លៃនោះ ដោយរឿងរ៉ាវមួយនេះតែងតែដកជាប់ក្នុងចិត្តនាងជារឿយៗ រយៈពេលជាង ២ឆ្នាំមកហើយ ដែលនាងមិនអាចទប់អារម្មណ៍បាន និងពិតជាឈឺចាប់ណាស់ពេលរំលឹកដល់រឿងនេះម្ដងៗ ព្រមទាំងមានវិប្បដិសារីជាខ្លាំងដែលទុកចិត្តលើមនុស្សខុស ថែមទាំងសោកស្ដាយនូវរបស់មានតម្លៃរបស់ខ្លួនបានបាត់ទៅជាញើសឈាមនៃការខិតខំរបស់នាង។

គួរបញ្ជាក់ផលដែរថា រឿងរ៉ាវមួយនេះជាប្រធានបទក្ដៅគគុកដែលមហាជន និងអ្នកគាំទ្រនាងជាងច្រើនទន្ទឹងរងចាំពន្លឺនៃយុត្តិធម៌ ព្រមទាំងមានហ្វេនៗជាច្រើនសំណូមពរចង់ឲ្យផលិតរឿងរ៉ាវនេះជាសាច់រឿងភាគថែមទៀតផងដែរ៕ សម្រួលដោយ៖ Sun Darasy