នាពេលថ្មីៗនេះ តារាចម្រៀងឯករាជ្យ អ្នកនាង ទេព បូព្រឹក្ស បានធ្វើឲ្យបណ្ដាអ្នកគាំទ្រផ្ទុះការចាប់អារម្មណ៍ជាថ្មីម្ដងទៀត ខណៈតារាស្រីរូបនេះបានបង្ហោះនូវរូបភាពក្នុងបណ្ដាញសង្គម ពីស្ទាយតុបតែងខ្លួនបែបថ្មីប្លែកៗ និងបង្ហើបពីកម្មវិធី MEET & GREET ទៅកាន់ហ្វេនៗធ្វើឲ្យគ្រប់គ្នាអន្ទះសារចង់ដឹងចង់ឃើញ តើតារាស្រីរូបនេះនឹងមានអ្វីដែលថ្មីជាចំណីចក្ខុទៅកាន់មហាជនបន្ថែមទៀត។

នេះបើយោងតាមការបញ្ជាក់ក្នុងផេកផ្លូវរបស់តារាស្រីរូបនេះបានបង្ហើបប្រាប់អ្នកគាំទ្របែបនេះថា៖ « DRAMA QUEEN COMING SOON TBP FAN MEET & GREET ជាមួយ Album បទ មនោសញ្ចេតនា ជាកាដូរសម្រាប់ហ្វេន»។

គួរបញ្ជាក់ផងដែរថា អ្នកនាង ទេព បូព្រឹក្ស និងលោក G-Devith កំពុងតែទទួលបានសន្ទុះនៃការគាំទ្រខ្លាំងពីសំណាក់មហាជនជាពិសេសយុវវ័យ ដោយគូស្នេហ៍មួយគូរនេះតែងតែ ចំណាយថវិកាផ្ទាល់ខ្លួនផលិតបទចម្រៀងថ្មីៗដ៏អស្ចារ្យ មានរួមបញ្ជូលជាមួយសិល្ប:វប្បធម៌ខ្មែរជាច្រើនប្រភេទ​ គួបផ្សំជាមួយភាពច្នៃប្រឌិតក្នុងការតុបតែងឈុតសំលៀកបំពាក់ និងសកម្មភាពក្នុង MV ទៀតនោះ ទើបធ្វើឲ្យគ្រប់គ្នាស្ងប់ស្ងែងទៅលើកការតាំងចិត្តរបស់តារាចម្រៀងវ័យក្មេងរូបនេះផងដែរ៕ សម្រួលដោយ៖ Sun Darasy