TNAOT News
· 04-25
វេទិកាស្តីពី «គោលការណ៍ចិនតែមួយ» គាំទ្រដល់ស្មារតីរួមរបស់អង្គការសហប្រជាជាតិ
#សង្គម# #ផ្លាស់ប្តូរវប្បធម៌កម្ពុជាចិន# #ព័ត៌មានសង្គម# #ប្រជាជនកម្ពុជាចិន#
6965
តៃវ៉ាន់ ជាទឹកដីដែលមិនអាចកាត់ផ្តាច់បានរបស់ប្រទេសចិន ហើយ «គោលការណ៍ចិនតែមួយ» ដែលជាការគាំទ្រដល់ស្មារតីរួមរបស់អង្គការសហប្រជាជាតិ។ នេះបើតាមការថ្លែងរបស់ ឯកឧត្តម ជា សឿន សាកលវិទ្យាធិការនៃសាកលវិទ្យាល័យជាតិ នៅក្នុងវេទិកាតុមូលស្តីពី«គោលការណ៍ប្រទេសចិនតែមួយ» ដែលរៀបចំឡើងដោយ សាកលវិទ្យាល័យជាតិមានជ័យ និងសមាគមអ្នកស្រាវជ្រាវវឌ្ឍនភាពកម្ពុជា-ចិនបានរួមគ្នារៀបចំ នាព្រឹកថ្ងៃទី២៥ ខែមេសា ឆ្នាំ២០២៤។ លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន បានជម្រាបថា ការរៀបចំវេទិកាតុមូលនាថ្ងៃនេះ ក្នុងគោលបំណងចំនួន៤៖ ទី១-បង្កើនការយល់ដឹងកាន់តែស៊ីជម្រៅពី «គោលការណ៍ចិនតែមួយ», ទី២-ពង្រឹងសមត្ថភាពលើការចែករំលែកនិងផ្សព្វផ្សាយបន្តឱ្យកាន់តែទូលំទូលាយទៅកាន់ពិភពលោកនូវខ្លឹមសារសំខាន់នៃសេចក្តីសម្រេចលេខ២៧៥៨របស់មហាសន្និបាតអង្គការសហប្រជាជាតិក្នុងសម័យប្រជុំលើកទី២៦ កាលពីថ្ងៃទី២៥ ខែតុលា ឆ្នាំ១៩៧១។, ទី៣-ពង្រីកការគាំទ្រដោយឈរលើសច្ចធម៌ប្រវត្តិសាស្រ្តជាង៥០០០ឆ្នាំរបស់ប្រទេសចិន ដែលបានគូសរំលេចថា«តៃវ៉ាន់គឺជាផ្នែកមួយដែលជាកម្មសិទ្ធិផ្តាច់មុខរបស់ប្រទេសចិន ហើយសាធារណរដ្ឋប្រជាមានិតចិន គឺជារដ្ឋាភិបាលស្របច្បាប់តែមួយគត់ដែលតំណាងឱ្យប្រទេសចិន», និងទី៤-ចូលរួមពង្រឹងនិងពង្រីកទំនាក់ទំនងកាន់តែល្អប្រសើរដោយឈរលើស្មារតីគោរពអធិបតេយ្យភាពនិងបូរណភាពទឹកដីគ្នាទៅវិញទៅមក។
ជាមួយគ្នានេះ លោក ជីវ សារិទ្ធ សាកលវិទ្យាធិការរងនៃសាកលវិទ្យាល័យជាតិមានជ័យ ក៏បានដកស្រង់សម្តីរបស់លោកស្រី Mao Ning អ្នកនាំពាក្យក្រសួងការបរទេសចិនបាន ថ្លែងក្នុងសន្និសីទសារព័ត៌មានជាប្រចាំកាលពីថ្ងៃទី១៥ ខែមករា ឆ្នាំ២០២៤ថា ការបោះឆ្នោតជ្រើសរើសអ្នកដឹកនាំតំបន់តៃវ៉ាន់ គឺកិច្ចការផ្ទៃក្នុងរបស់ប្រទេសចិន មិនថាការបោះឆ្នោតមានលទ្ធផលយ៉ាងណាទេក៏មិនអាចកែប្រែការពិតជាមូលដ្ឋានដែលពិភពលោកមានប្រទេសចិនតែមួយនោះដែរ ហើយតៃវ៉ាន់គឺជាផ្នែកមួយរបស់ប្រទេសចិន ដែលនេះជាការបញ្ជាក់ច្បាស់ថា បន្ទាប់ពីការបង្រួបបង្រួមតំបន់តៃវ៉ាន់ រដ្ឋាភិបាលមជ្ឈិមចិននឹងអនុវត្តគោលនយោបាយ «ប្រទេសមួយ របបពីរ» ដើម្បីធ្វើអភិបាលកិច្ចចំពោះតំបន់តៃវ៉ាន់ ដូចតំបន់ហុងកុង និងម៉ាកាវដែរ ពោលគឺនឹងរក្សារបបសង្គមនិងប្រព័ន្ធនយោបាយដើមរបស់តៃវ៉ាន់ តែត្រូវស្ថិតក្រោមអភិបាលកិច្ចរបស់រដ្ឋាភិបាលមជ្ឈិមផងដែរ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
លោក Wang៖ អ្នកគាំទ្រគោលការណ៍ចិន តែមួយគួរតែគាំទ្រការបង្រួបបង្រួមកោះតៃវ៉ាន់ ដោយសន្តិវិធីរបស់ចិន
ចិន ព្រមានអាមេរិក មិនត្រូវលូកដៃ ចូលកិច្ចការផ្ទៃក្នុង របស់ប្រទេសចិន ឬលើកទឹកចិត្តឱ្យកោះតៃវ៉ាន់ ប្រកាសឯករាជ្យឡើយ
ឆ្មាំឆ្នេរសមុទ្ររបស់ប្រទេសចិន នឹងពង្រឹងសកម្មភាពអនុវត្តច្បាប់ជុំវិញកោះដែលគ្រប់គ្រងដោយតៃវ៉ាន់នៅឆ្នេរសមុទ្រចិន
លោកស៊ី ធ្វើជាម្ចាស់ផ្ទះទទួលអតីតមេដឹកនាំតៃវ៉ាន់នៅទីក្រុងប៉េកាំង ដែលបង្ហាញពីទំនាក់ទំនងដ៏កក់ក្តៅ
យោបល់ទាំងអស់ (0)