TA X2
· 02-19
លោក Wang៖ អ្នកគាំទ្រគោលការណ៍ចិន តែមួយគួរតែគាំទ្រការបង្រួបបង្រួមកោះតៃវ៉ាន់ ដោយសន្តិវិធីរបស់ចិន
#សមុទ្រកោះតៃវ៉ាន់# #ព័ត៌មាន# #Wang Yi# #ព័ត៍មានអន្តរជាតិ#
6687
រដ្ឋមន្ត្រីការបរទេសចិនលោក វ៉ាង យី (Wang Yi) បាននិយាយកាលពីថ្ងៃសៅរ៍ (១៧ កុម្ភៈ) នៅឯសន្និសីទសន្តិសុខទីក្រុងមូនីច (Munich) លើកទី៦០ ថាអ្នកដែលប្រកាន់គោលការណ៍ចិនតែមួយគួរតែគាំទ្រការបង្រួបបង្រួមដោយសន្តិវិធីរបស់ចិន ហើយដើម្បីរក្សាសន្តិភាព និងស្ថិរភាពនៅទូទាំងច្រកសមុទ្រកោះតៃវ៉ាន់ ត្រូវតែប្រឆាំងនឹង «ឯករាជ្យភាពតៃវ៉ាន់»។
លោក វ៉ាង ដែលជាសមាជិកនៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានធ្វើការលើកឡើងនេះក្នុងការឆ្លើយតបទៅនឹងសំណួរដែលទាក់ទងនឹងកោះតៃវ៉ាន់ បន្ទាប់ពីបានថ្លែងសុន្ទរកថាសំខាន់នៅក្នុងសម័យប្រជុំ «ទេសចិននៅក្នុងពិភពលោក» នៅក្នុងសន្និសីទ។
លោក វ៉ាង បាននិយាយថា ឯកសាររបស់អង្គការសហប្រជាជាតិ បានពិពណ៌នាយ៉ាងច្បាស់ថាកោះតៃវ៉ាន់ជាខេត្តមួយរបស់ប្រទេសចិន ហើយការពិតទាំងអស់នេះបានបង្ហាញយ៉ាងពេញលេញថាបញ្ហាកោះតៃវ៉ាន់ គឺជាបញ្ហាផ្ទៃក្នុងរបស់ចិនមួយរយភាគរយ។
រដ្ឋមន្ត្រីការបរទេសចិនរូបនេះបានបន្ថែមថា វាជាការពិតមានមូលដ្ឋានប្រវត្តិសាស្ត្រ និងការយល់ព្រមរបស់សហគមន៍អន្តរជាតិដែលថាកោះតៃវ៉ាន់ មិនដែលជាប្រទេស ហើយមិនអាចក្លាយជាប្រទេសបានឡើយ។ លោកបានសង្កត់ធ្ងន់ថា «ឯករាជ្យតៃវ៉ាន់« គឺមិនស៊ីគ្នានឹងសន្តិភាពឆ្លងច្រកសមុទ្រនោះទេ៕
ប្រភពពី៖ Routers
អត្ថបទកែសម្រួលដោយ៖ ឈុន សុជាតា
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
ចិន ព្រមានអាមេរិក មិនត្រូវលូកដៃ ចូលកិច្ចការផ្ទៃក្នុង របស់ប្រទេសចិន ឬលើកទឹកចិត្តឱ្យកោះតៃវ៉ាន់ ប្រកាសឯករាជ្យឡើយ
ឆ្មាំឆ្នេរសមុទ្ររបស់ប្រទេសចិន នឹងពង្រឹងសកម្មភាពអនុវត្តច្បាប់ជុំវិញកោះដែលគ្រប់គ្រងដោយតៃវ៉ាន់នៅឆ្នេរសមុទ្រចិន
រដ្ឋមន្ត្រីការបរទេសចិន ប្រាប់លោក Blinken ថាអាមេរិក គួរតែដកទណ្ឌកម្មចេញពីក្រុមហ៊ុនចិន
យោធាចិនថា កប៉ាល់របស់កងទ័ពជើងទឹកចិន ដេញតាមនាវាពិឃាតអាមេរិក
យោបល់ទាំងអស់ (0)