ស្ដេចប្រដាល់ប្រចាំប្រទេសមីយ៉ាន់ម៉ា Dave Leduc បានបង្ហោះសារមួយកោតសរសើរទៅដល់កងកម្លាំងនគរបាល និងប៉ូលីសនៅកម្ពុជាយើង ថាពិតជាល្អមានយុត្តិធម៌សុខសុវត្ថិភាព ក្រោយពីលោកបានរើទីលំនៅមកនៅប្រទេសកម្ពុជាបានមួយរយៈនេះ។

យោងតាមការបង្ហោះរបស់កីឡាករប្រដាល់មីយ៉ាន់ម៉ារូបនេះ បានលើកឡើងបែបនេះថា៖ «សារពិសេសជូនចំពោះកងកម្លាំងនគរបាលកម្ពុជា។ ប៉ូលីសខ្មែរមានវិជ្ជាជីវៈ និងចិត្តល្អ ហើយបើអ្នកមានគម្រោងមកលេងប្រទេសកម្ពុជា អ្នកអាចជឿជាក់ក្នុងចិត្តថា អ្នកទទួលបានការគោរព និងមានយុត្តិធម៌។ ខ្ញុំ​បាន​រើទីលំនៅមក​ប្រទេស​កម្ពុជា​ជាមួយ​កូន​ប្រុស​អាយុ​ 2 ​ឆ្នាំ និង​ប្រពន្ធ​មាន​ផ្ទៃ​ពោះ​ 8 ​ខែ ហើយ​ខ្ញុំ​គិត​ថា​ប្រទេស​មាន​សុវត្ថិភាព​ខ្លាំង​ណាស់។ សូមថ្លែងអំណរគុណដល់មន្ត្រីទាំងអស់ទូទាំងប្រទេស»។

ក្រោយបានឃើញនៅសារទាំងនេះហើយបណ្ដាអ្នកគាំទ្រជាច្រើនបានសម្ដែងអារម្មណ៍រំភើបដែលមានជាតិសាសន៍ដទៃលើកសរសើរនូវចំនុចល្អៗរបស់កម្ពុជា ព្រមទាំងទទួលស្វាគមន៍កីឡាករប្រដាល់រូបនេះមករស់នៅកម្ពុជាយើងដោយក្ដីរីករាយផងដែរ៕

សម្រួលដោយ៖ Sun Darasy