TNAOT News
· 04-21
កុំយល់ថាអាការៈងងឹតមុខមួយភ្លែតៗ មិនមានគ្រោះថ្នាក់ដល់សុខភាពឲ្យសោះ
#គន្លឹះថែទាំសុខភាព# #ងងឹតមុខ# #សុខភាព# #ពិគ្រោះយោបល់# #វិលមុខ# #TNAOT HEALTH#
6559
បញ្ហាបែបនេះ មានមនុស្សមួយចំនួនឧស្សាហ៍ជួបប្រទះជាច្រើនដងក្នុងមួយថ្ងៃ ជាពិសេសនៅរាល់ពេលដែលក្រោកអង្គុយ ឈរ ឬគេងភ្លាមៗ ចេះតែមានអារម្មណ៍ថា វិលមុខ ទន់ដៃ ទន់ជើងអស់ ងងឹតមុខ ដោយមិនដឹងពីមូលហេតុច្បាស់លាស់ថា វាបណ្តាលមកពីអ្វីឲ្យពិតប្រាកដ។ ប្រភព៖ Medical news for Cambodia
ជុំវិញនឹងបញ្ហាងងឹតមុខនេះ លោកវេជ្ជបណ្ឌិត ចាន់ ស៊ីណេត ឯកទេសជំងឺទូទៅ បានប្រាប់ឲ្យដឹងថា ការងងឹតមុខ ក្រោយពីក្រោកពីអង្គុយ ឬគេងភ្លាមៗ វាបណ្តាលពីមូលហេតុជាច្រើន តែបញ្ហាចំបងគឺ ទាក់ទងនឹងសម្ពាធឈាមធ្លាក់ចុះ។ ពេលខ្លះ យើងក្រោកឡើងពីអង្គុយ ក្រោកឈរ ឬគេងភ្លាមៗ ធ្វើឲ្យយើងមានអារម្មណ៍ថា វិលមុខ ឈរមិននឹង ឬក្នុងករណីខ្លះ អាចបណ្តាលឲ្យសន្លប់តែម្តង។
ជារួម លោកវេជ្ជបណ្ឌិត បានបញ្ជាក់ថា កុំគិតថា គ្រាន់តែការងងឹតមុខមួយភ្លែតៗក្រោយពីអង្គុយ ឈរ ឬគេងភា្លមៗ ថាគ្មានបញ្ហាអ្វីធ្ងន់ធ្ងរដល់សុខភាពឲ្យសោះ។ ផ្ទុយទៅវិញ វាអាចប៉ះពាល់ដល់សុខភាពរបស់យើងបាន ហើយថែមទាំងអាចប្រឈមគ្រោះថ្នាក់ដល់អាយុជីវិតទៀតផង។ ដូចនេះ បើមានបញ្ហានេះ គួរទៅពិនិត្យ និងពិគ្រោះជាមួយគ្រូពេទ្យឲ្យបានត្រឹមត្រូវ ដើម្បីការពារសុខភាព និងអាយុជីវិតរបស់យើងផងដែរ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
យោបល់ទាំងអស់ (0)