នៅវេលាម៉ោង១១:១០នាទីព្រឹក ថ្ងៃទី២៤ ខែមេសា ឆ្នាំ២០២៦ មានករណីអគ្គិភ័យបានឆាបឆេះយានដ្ឋានជួសជុលរថយន្តមួយកន្លែងយ៉ាងសន្ធោសន្ធៅ បង្កឲ្យមានការភ្ញាក់ផ្អើលនៅចំណុចភូមិព្រៃល្វា សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។ អគ្គិភ័យខាងលើនេះ បានបណ្ដាលឱ្យឆេះខូចខាតរោងដែកប្រក់ស័ង្កសីទំហំ១៣ម៉ែត្រ x ២០ម៉ែត្រ ចំនួន ០១រោង រួមមានរថយន្តចំនួន ០១គ្រឿង, ម៉ូតូ ចំនួន០២គ្រឿង, ម៉ាស៊ីនរថយន្ត ចំនួន ០៣គ្រឿង, ប៉ុងជួសជុលរថយន្ត ចំនួន ០១គ្រឿង និងសម្ភារគ្រឿងបន្លាស់រថយន្តមួយចំនួនទៀត។

លុះនៅវេលាម៉ោង១១:៥០នាទីព្រឹក ថ្ងៃខែឆ្នាំដដែលដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន០៧គ្រឿង ប្រេីប្រាស់ទឹកអស់ ចំនួន ០៤ឡាន ស្មើនឹង ២៤ម៉ែត្រគូប និងរថយន្តជំនួយ: -រថយន្តអគ្គិភ័យកងពលតូចង៧០ចំនួន ០៨គ្រឿង ប្រើប្រាស់ទឹកអស់ ចំនួន០៤ឡាន ស្មើនឹង ៣០ម៉ែត្រគូប ។

-រថយន្តអគ្គិភ័យក្រុមហ៊ុនស្រាបៀរកម្ពុជា ចំនួន០១គ្រឿង ប្រើប្រាស់ទឹកអស់ ចំនួន០១ឡាន ស្មើនឹង ០៦ម៉ែត្រគូប។

ជុំវិញហេតុការណ៍​អគ្គិភ័យឆាបឆេះនេះ បណ្តាលមកពីឆ្លងចរន្តអគ្គិសនីបង្កជាអគ្គិភ័យកើតមានឡើងផងដែរ៕