កម្លាំងសមត្ថកិច្ចឃាត់ខ្លួនក្រុមនារីក្មេងទំនើងចំនួន ២ក្រុម ដែលបានប្រតាយប្រតប់គ្នា កាលពីថ្ងៃទី១៤ ខែមេសា ឆ្នាំ២០២៦ វេលាម៉ោង១៦:០០នាទី នៅចំណុចសួនច្បារមុខសាលាខេត្តត្បូងឃ្មុំ ស្ថិតនៅភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។

បន្ទាប់ពីទទួលព័ត៌មាន កម្លាំងជំនាញ​ការិយាល័យនគរបាលព្រហ្មទណ្ឌកម្រិតស្រាល បានសហការជាមួយកម្លាំងនៃអធិការដ្ឋាននគរបាលស្រុកពញាក្រែក បានចុះធ្វើការស្រាវជ្រាវ និងនាំខ្លួនមនុស្ស២ក្រុម ចំនួន០៧នាក់ មកកាន់ស្នងការដ្ឋាននគរបាកខេត្តត្បូងឃ្មុំ ដើម្បីធ្វើការសាកសួរ ហើយពួកគាត់បានឆ្លើយសារភាពថា ពិតជាបានប្រតាយប្រតបគ្នា​ នៅចំណុចសួនច្បារមុខសាលាខេត្តត្បូងឃ្មុំ ស្ថិតនៅភូមិនិគមលើ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ពិតមែន។ 

ដោយមានចង្អុលបង្ហាញ ពីលោកឧត្តមសេនីយ៍ស្នងការ បានឲ្យសមត្ថកិច្ចជំនាញ ធ្វើកិច្ចសន្យាអប់រំ និងបានក្រុមគ្រួសារ មកធានាឲ្យត្រឡប់ទៅមូលដ្ឋានវិញ។ 

ជាមួយគ្នានេះ លោកឧត្តមសេនីយ៍ទោ ចិន នី ផ្ញើសារទៅយុវជនយុវនារី សូមប្អូនកុំប្រពឹត្តអំពើដែលមិនគប្បីសង្គមស្អប់ខ្ពើម ត្រូវកែខ្លួនឡើងវិញដើម្បីគ្រួសារនិងសង្គមជាតិយើងផងដែរ៕