នៅវេលាម៉ោង១៤និង០០នាទី ថ្ងៃទី០១ ខែមេសា ឆ្នាំ២០២៦ មានករណីអគ្គិភ័យមួយកើតឡើងបណ្តាលឲ្យឆេះផ្ទះប្រជាពលរដ្ឋចំនួន ០១ខ្នង នៅត្រង់ចំណុចក្រុមទី២៩ ភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង។

ចំពោះសំណងខាងលើជាប្រភេទមាន ទំហំ ០៥ម៉ែត្រ x ០៦ម៉ែត្រ សង់អំពីឈើ ជញ្ជាំងស័ង្កសី ដំបូលស័ង្កសី សង់ផ្ទាល់ដី ដែលជារបស់ជនរងគ្រោះឈ្មោះ នាក់ ភន ភេទស្រី អាយុ៥៤ឆ្នាំ ចំណែកសម្ភារខូចខាតរួមមាន៖ ឆេះផ្ទះ ០១ខ្នង និងឆេះសម្ភារៈប្រេីប្រាស់ផ្សេងៗ នៅក្នុងផ្ទះឆេះអស់ទាំងស្រុង។

ករណីនេះដែរកម្លាំងនគរបាលការិយាល័យនគរបាលបង្ការពន្លត់អគ្គីភ័យ និងសង្រ្គោះ នៃស្នងការដ្ឋានខេត្តបាត់ដំបង បានចុះពន្លត់អគ្គិភ័យនេះ ដោយប្រើប្រាស់រថយន្តពន្លត់អគ្គិភ័យចំនួន ០៤គ្រឿង ប្រើប្រាស់ទឹកអស់ចំនួន ០៣រថយន្ត ទើបគ្រប់គ្រងស្ថានការណ៍ អគ្គិភ័យនេះបានទាំងស្រុង។

សមត្ថកិច្ចជំនាញ បានឲ្យដឹងថា ក្នុងករណីអគ្គិភ័យនេះ បណ្ដាលមកពីឆ្លងចរន្តអគ្គិសនី (ខ្សែភ្លើងកកិតនិងស័ង្កសីផ្ទះ) ទើបបណ្តាលអោយមានអគ្គិភ័យតែម្តង​ និងមិនបានបង្កគ្រោះថ្នាក់ដល់អាយុជីវិតមនុស្ស និងឆ្លងទៅអ្នកជិតខាងឡើយ៕