យ៉ាងហោចណាស់មានមនុស្ស ៨នាក់បានរងរបួសនៅក្នុងប្រទេសអ៊ីស្រាអែលនៅថ្ងៃអាទិត្យ (ថ្ងៃទី ១៥ ខែមីនា) បន្ទាប់ពីការបាញ់មីស៊ីលម្តងហើយម្តងទៀតពីប្រទេសអ៊ីរ៉ង់ ដោយមីស៊ីលយ៉ាងហោចណាស់ពីរគ្រាប់ដែលផ្ទុកគ្រាប់បែកចង្កោមបានខ្ចាត់ខ្ចាយ បណ្តាលឱ្យមានផលប៉ះពាល់ដល់ផ្លូវថ្នល់ និងអគារ នេះបើយោងតាមអាជ្ញាធរអ៊ីស្រាអែល។

ប៉ូលិសអ៊ីស្រាអែលបានចេញផ្សាយវីដេអូពីកាមេរ៉ាសុវត្ថិភាព CCTV នៅក្នុងតំបន់ Tel Aviv ដែលបង្ហាញពីផលប៉ះពាល់លើផ្លូវមួយកន្លែង ដោយនិយាយថាវាមកពីគ្រាប់បែកចង្កោមដែលបណ្តាលឱ្យខូចខាតនៅទីតាំងជាច្រើន។ គ្រាប់បែកតូចៗ និងបំណែកគ្រាប់បែកពីមីស៊ីលបានធ្វើឱ្យមនុស្ស ៤នាក់រងរបួសនៅក្នុងតំបន់ផ្សេងៗគ្នានៃតំបន់ទីប្រជុំជន Tel Aviv នេះបើយោងតាមសេវាជួយសង្គ្រោះ Magen David Adom (MDA)។

ការវាយប្រហារនេះគឺជាការបាញ់ប្រហារលើកទីប្រាំពីរនៅថ្ងៃនោះ ដែលជាផ្នែកមួយនៃការកើនឡើងជាបន្តបន្ទាប់ចាប់តាំងពីចុងខែកុម្ភៈ ឆ្នាំ ២០២៦ បន្ទាប់ពីការវាយប្រហាររបស់សហរដ្ឋអាមេរិក-អ៊ីស្រាអែលលើអ៊ីរ៉ង់។ គិតត្រឹមថ្ងៃទី១៣ ខែមីនា អ៊ីរ៉ង់បានបាញ់មីស៊ីលផ្លោងប្រហែល ២៥០ គ្រាប់ទៅលើអ៊ីស្រាអែល ដែលបណ្តាលឲ្យមនុស្សរងរបួសសរុបជិត ២៧៥០ នាក់ និងស្លាប់ចំនួន ១២ នាក់ពីការវាយប្រហាររបស់អ៊ីរ៉ង់៕