នៅវេលាម៉ោង ៦និង៤០នាទីយប់​ ថ្ងៃទី១៤​ ខែមីនា​ ឆ្នាំ២០២៦ មានករណីរថយ​ន្ត​ ១គ្រឿង ត្រូវបានអគ្គិភ័យឆាបឆេះយ៉ាងសន្ធោសន្ធៅ​ បង្កការភ្ញាក់ផ្អើលជាខ្លាំងនៅចំណុចផ្លូវវេងស្រេង​ ភូមិដំណាក់ធំ២ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។

ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន០១គ្រឿង ក្នុងនោះរថយន្តការិយាល័យរាជធានីភ្នំពេញ ចំនួន០១គ្រឿង ប្រេីប្រាស់ទឹក​អស់០១ឡាន​ ស្មេីរនឹង០៤ម៉ែត្រគូប​​។ 

ដោយឡែកចំពោះប្រភេទសំណង់ខាងលើនេះ ជាប្រភេទ​ រថយន្ត ឆេះខូចខាតរថយន្ត​ ០១គ្រឿង​ ម៉ាក​ ឡង់គ្រីស៍រ​ ហេីយពុំបណ្តាលឲ្យឆេះរាលដាលដល់អ្នកក្បែរខាងឡេីយ។ ចំពោះ ករណីខាងលើនេះ ត្រូវបានកម្លាំងសមត្ថកិច្ចជំនាញរបស់យើងបានគ្រប់គ្រងទាំងស្រុងនៅម៉ោង ៧និង១០នាទីយប់នាថ្ងៃខែឆ្នាំដដែរ។

លោកវរសេនីយ៍ឯក ព្រហ្ម យ៉ន នាយការិយាល័យ ក៏បានបញ្ជាក់ថា ចំពោះហេតុការណ៍គ្រោះអគ្គិភ័យនេះ កម្លាំងសមត្ថកិច្ចជំនាញបានធ្វេីការស្រាវជ្រាវរកឃេីញថា​ បណ្តាលមកពីការឆ្លងប្រព័ន្ធភ្លេីងបង្ករជាអគ្គិភ័​យ។ ដោយឡែក ចំពោះករណីខាងលើនេះ មិនបានបណ្តាលឲ្យមានអ្នកណារងរបួសឡេីយ៕