តារាកំប្លែងដ៏ល្បី នាយ ពាក់មី ក៏ដូចជាមហាជនអ្នកលេងបណ្ដាញសង្គមជាច្រើន មានការប្រតិកម្មព្រមទាំងខឹងសម្បារយ៉ាងខ្លាំង ទៅលើការផលិតមាតិកាធ្វើម្ហូបរបស់ គ្រូតឿ មានបន្លំចម្អិនសត្វពពែទៅជាសត្វសុនខ ដែលជាសត្វមួយប្រភេទដែលគួរឱ្យស្រឡាញ់ និងស្មោះត្រង់ជាមួយម្ចាស់ ថែមទាំងជាសត្វចិញ្ចឹមដែលហាមឃាត់ក្នុងការទទួលទាន។

យ៉ាងណាមិញ បើយោងតាមសំណេររបស់ លោក ពាក់មី លើកឡើងបែបនេះថា៖ «គ្រូតឿ​ ! ! គួរកគំនិតធ្វេីវីដេអូអី​ ដែលថ្លៃថ្នូជាងនេះតិចទៅ​ ! ! វីដេអូ​ ស្ងោឆ្កែរ​ ហេីយធ្វេីចាប់ពពែរ​ អ្នកមេីលមិនល្ងង់ទេ​ពពែឬឆ្កែរនោះ​ !»។

ក្រោយពីបានឃើញបែបនេះហើយ បណ្ដាអ្នកលេងបណ្ដាញសង្គមបានចូលទៅស៊ែរចែករំលែកបន្ត គាំទ្រនៅការលើកឡើងរបស់ នាយ ពាក់មី ដោយក្នុងនោះមាននៅមតិរបស់មហាជនប្រតិកម្មរិះគន់ទៅកាន់ «គ្រូតឿ» ថា៖ «ដើម្បីលុយ រឿងអីក៏ធ្វើទៅបាន បាត់បង់មានៈសិកាជាមនុស្ស» បន្ថែមពីនេះក៏មាននៅមតិមហាជនអ្នកស្រលាញ់សត្វជាច្រើនបានខឹងសម្បារប្រើពាក្យជេរប្រមាថផងដែរ៕​ អត្ថបទដោយ៖ Sun Darasy