បន្ទាប់ពីបានពិនិត្យឃេីញការផ្សព្វផ្សាយវីដេអូដែលប្រើអំពេីហិង្សាលេីស្រ្តីភេទ​ លោកស្នងការចាតកម្លាំងនគរបាលនៃអធិការដ្ឋាននគរបាលស្រុកកូនមុំ ធ្វើការស្រាវជ្រាវលើករណីប្រើអំពើហិង្សាដែលមានការបង្ហោះផ្សព្វផ្សាយលើបណ្ដាញសង្គមក្រោយមកកម្លាំងសមត្ថកិច្ចបានចុះដល់កន្លែងកើតហេតុ ដើម្បីធ្វើការសាកសួរ និងស្រាវជ្រាវជុំវិញករណីហឹង្សាដែលត្រូវបានផ្សព្វផ្សាយ​ ចំពោះករណីនេះបានកើតឡើងកាលពីថ្ងៃទី៧ ខែមីនា ឆ្នាំ២០២៦ វេលាម៉ោង៦:៣០នាទីព្រឹក នៅចំណុច ការដ្ឋានទី៤ ឡូត៍៦៥ ស្ថិតនៅភូមិ៣ ឃុំស្រែអង្ក្រង ស្រុកកូនមុំ ខេត្តរតនគិរី ដោយបុរសដែលជាជនសង្ស័យ មានឈ្មោះ ហ៊ុន សារិន អាយុ៥៨ឆ្នាំ ជនជាតិខ្មែរ មុខរបរជាកសិករ បានប្រើអំពើហឹង្សាវាយដំលើស្ត្រីមានឈ្មោះ អាន ស្រីនី អាយុ២៣ឆ្នាំ ជនជាតិខ្មែរមុខរបរកសិករត្រូវជាប្រពន្ធដូចមានក្នុងវីឌីអូបង្ហោះលើបណ្តាញសង្គមពិតប្រាកដមែន។

 បច្ចុប្បន្នបន្ទាប់ពីធ្វើការស្រាវជ្រាវ កម្លាំងសមត្ថកិច្ចបានឃាត់ខ្លួនជនសង្ស័យដើម្បីសាកសួរនៅអធិការដ្ឋាននគរបាលស្រុកកូនមុំ និងកសាងសំណុំរឿងបញ្ជូនទៅសាលាដំបូងខេត្តដើម្បីផ្ដន្ទាទោសតាមនីតិវិធីច្បាប់៕