កាលពីថ្ងៃទី០៤.០៣.២០២៦ វេលាម៉ោ២០និង៣០នាទី មានករណីឃាតតម្មដោយគិតជាមុន បង្កដោយជនសង្ស័យមិនស្គាល់អត្តសញ្ញាណ ប្រើកាំបិតផ្កាក់សម្លាប់ជនរងគ្រោះ ហេតុការណ៍នេះកើតឡើង នៅលើផ្លូវលំ ភូមិព្រៃស្យា ឃុំសែនដី ស្រុកសំរោងទង ខេត្តកំពង់ស្ពឺ។

សពជនរងគ្រោះឈ្មោះពៅ ឃន ភេទស្រី អាយុ៥៦ឆ្នាំ លំនៅភូមិព្រៃស្យា ឃុំសែនដី ស្រុកសំរោងទង ។

-ករណីនេះតាមការបំភ្លឺពីឈ្មោះសឿន ខុម ភេទប្រុសអាយុ៥៤ឆ្នាំ(ជាប្តី) បានឲ្យដឹងថា: មុនពេលកើតហេតុ រូបខ្លួនបានចូលងូតទឹក នៅក្រោយផ្ទះ ឯប្រពន្ធអង្គុយលើគ្រែក្រោមផ្ទះមើលទូរស័ព្ទ បន្តិចក្រោយមកបានឮសម្លេងប្រពន្ធស្រែកអូយៗ ខ្ញុំបើកបន្ទប់ទឹកចេញមកមើល ឃើញជនសង្ស័យម្នាក់ភេទប្រុស ស្លៀកខោខូវប៊ូយ ពាក់អាវក្រណាត់ដៃវែង ពណ៌រាងក្រហម កាន់កាំបិតផ្គាក់ដេញកាប់ប្រពន្ធខ្ញុំ រូបខ្ញុំបានចេញទៅជួយ ហើយប្រពន្ធបានរត់ទៅផ្ទះកូនស្រី ជាប់ខាងជើងគ្នាឲ្យជួយតែផ្ទះជាប់សោរបងខាងក្នុង ពេលនោះខ្ញុំចាប់ដៃជនសង្ស័យ តែវាគ្រវាស់របូតដៃវិញ ហើយវាបានដេញកាប់ប្រពន្ធខ្ញុំ ដល់ផ្លូវលំមុខផ្ទះជាច្រើនកាំបិត បណ្តាលឲស្លាប់ផ្កាប់មុខលើដី ។ បន្ទាប់មកជនសង្ស័យបានរត់គេចខ្លួនបាត់។

-តាមការពិនិត្យសាកសព មានស្លាកស្នាម:កាប់ចិញ្ច្រាំលើ ក ក្បាល លើដៃទាំងសងខាង និងដាច់កដៃងខាងស្តាំ ។

+សន្និដ្ឋាន: ជាករណីគំនុំ ។

លុះនៅថ្ងៃទី០៥.០៣.២០២៦វេលាម៉ោង១៣និង៣០នាទី នគរបាលខេត្តកំពង់ស្ពឹ បានស្រាវជ្រាវឃាត់ខ្លួនជនសង្ស័យ:

 -ឈ្មោះស៊ុន សុភ័ក្រ ហៅឈីង ភេទប្រុសអាយុ២៨ឆ្នាំលំនៅភូមិព្រៃស្យា ឃុំសែនដី ស្រុកសំរោងទង ខេត្តកំពង់ស្ពឺ មុខរបរ: បើកបររថយន្ត ។

 +បាននាំទៅដកហូតវត្ថុតាង: កាំបិតផ្គាក់១ អាវ ១ខោ ១(ជាវត្ថុតាងធ្វើកម្មភាព)។

 +ជនសង្ស័យបានសារភាពថា ខ្លួនពិតជាបានប្រើកាំបិតផ្គាក់សម្លាប់ជបរងគ្រោះដោយចោទប្រកាន់ថាចេះអំពើអាបធ្មប់ ។