ការប៉ះទង្គិចគ្នាយ៉ាងខ្លាំងរវាងកងទ័ពជើងទឹកនៅមហាសមុទ្រឥណ្ឌាបានធ្វើឱ្យភាពតានតឹងទូទាំងពិភពលោកកាន់តែធ្ងន់ធ្ងរឡើង បន្ទាប់ពីនាវាមុជទឹកអាម៉េរិកមួយគ្រឿងបានបាញ់មីស៊ីល torpedo បណ្តាលឲ្យលិចនាវាចម្បាំងអ៊ីរ៉ង់មួយគ្រឿងនៅឯឆ្នេរសមុទ្រស្រីលង្កា ដោយបានឆក់យកជីវិតមនុស្សយ៉ាងហោចណាស់ ៨៧ នាក់។

ហេតុការណ៍នេះបានកើតឡើងនៅថ្ងៃទី ៤ ខែមីនា ឆ្នាំ ២០២៦ នៅពេលដែលនាវា IRIS Dena ដែលដឹកនាវិកប្រហែល ១៨០ នាក់ បានរងការវាយប្រហារយ៉ាងធ្ងន់ធ្ងរ ដោយគ្រាប់រ៉ុក្កែតមួយបានបុកចំផ្នែកខាងក្រោយលិចចូលទៅក្នុងសមុទ្រ។ សហរដ្ឋអាមេរិកបាននិយាយថា នេះជានាវាសត្រូវដំបូងគេដែលត្រូវបានលិចដោយនាវាមុជទឹករបស់ពួកគេចាប់តាំងពីសង្គ្រាមលោកលើកទី ២។

នាវាចម្បាំងនេះកំពុងធ្វើដំណើរត្រឡប់ទៅអ៊ីរ៉ង់វិញ បន្ទាប់ពីចូលរួមក្នុងសមយុទ្ធកងទ័ពជើងទឹក Milanរបស់ឥណ្ឌានៅឈូងសមុទ្របេងហ្គាល់ចាប់ពីថ្ងៃទី ១៨ ដល់ថ្ងៃទី ២៥ ខែកុម្ភៈ។ នៅម៉ោង ៥:០៨ ព្រឹក ម៉ោងក្នុងស្រុក កងទ័ពជើងទឹកស្រីលង្កាបានទទួលសញ្ញាអាសន្នពីនាវា Dena ដែលស្ថិតនៅចម្ងាយ ៤៤ ម៉ាយសមុទ្រពី Galle ក្នុងតំបន់សេដ្ឋកិច្ចរបស់ពួកគេ។ ក្រុមសង្គ្រោះបានជួយមនុស្ស ៣២ នាក់ និងបានរកឃើញសាកសព ៨៧ នាក់ និងប្រហែល ៦០ នាក់នៅតែបាត់ខ្លួន ដោយកិច្ចខិតខំប្រឹងប្រែងស្វែងរកនៅតែបន្ត៕