សហរដ្ឋអាមេរិកបានដកខ្លួនចេញពីអង្គការសុខភាពពិភពលោក(WHO) ជាផ្លូវការនៅថ្ងៃទី ២២ ខែមករា ឆ្នាំ ២០២៦ ដោយបំពេញតាមបទបញ្ជាប្រតិបត្តិរបស់ប្រធានាធិបតី Donald Trump បានចេញនៅថ្ងៃដំបូងដែលលោកចូលកាន់តំណែងវិញ គឺថ្ងៃទី ២០ ខែមករា ឆ្នាំ ២០២៥។

ការសម្រេចនេះ បានបញ្ចប់សមាជិកភាពជិត ៧៨ ឆ្នាំ ដោយបញ្ឈប់ការផ្តល់មូលនិធិទាំងអស់របស់សហរដ្ឋអាមេរិក ដែលមានចំនួនប្រហែល ២០% នៃថវិការបស់អង្គការសុខភាពពិភពលោក និងកោះហៅបុគ្គលិកអាម៉េរិកពីការិយាល័យទីក្រុងហ្សឺណែវ និងការិយាល័យសកល។ លោក Trump បានលើកឡើងពីការគ្រប់គ្រងមិនត្រឹមត្រូវរបស់ទីភ្នាក់ងារនេះចំពោះជំងឺរាតត្បាតកូវីដ-១៩ កង្វះកំណែទម្រង់ និងឥទ្ធិពលនយោបាយមិនសមរម្យ ជាហេតុផលសំខាន់ៗ។

ការដកខ្លួននេះធ្វើឱ្យអង្គការសុខភាពពិភពលោកប្រឈមមុខនឹងវិបត្តិហិរញ្ញវត្ថុធ្ងន់ធ្ងរ ដោយសហរដ្ឋអាមេរិកជាប្រទេសផ្តល់ជំនួយធំបំផុតរបស់ខ្លួន ដែលអាចនាំឱ្យមានការកាត់បន្ថយបុគ្គលិក។ ជាមួយគ្នានោះ អាម៉េរិកនៅមានប្រាក់ជាង ២៦០ លានដុល្លារអាម៉េរិកដែលមិនទាន់បានបង់ពីឆ្នាំ ២០២៤ និង ២០២៥ មិនទាន់ដោះស្រាយ ដែលបង្កឱ្យមានការជជែកវែកញែកអំពីកាតព្វកិច្ចផ្លូវច្បាប់ក្រោមពិធីសារអង្គការសហប្រជាជាតិ៕