ចៅក្រមបានសម្រេចចេញដីកាបង្គាប់ឱ្យឃុំខ្លួនជនត្រូវ លោក លី គួង អាយុ ៥០ឆ្នាំ នៅពន្ធនាគាររាជធានីភ្នំពេញ PJ។  នេះបើយោងតាមដីកាបង្កាប់ឲ្យឃុំខ្លួន ដែលចេញដោយសាលាដំបូងរាជធានីភ្នំពេញ កាលពីនៅថ្ងៃទី១៥ ខែមករា ឆ្នាំ២០២៦។ លោក លី គួង ត្រូវបានតំណាងអយ្យការចោទប្រកាន់ពីបទល្មើសរួមមាន៖ ការជ្រើសរើសដោយមិនស្របច្បាប់សម្រាប់កេងប្រវ័ញ្ច បទឆបោកមានស្ថានទម្ងន់ទោស ជាក្រុមមានការចាត់តាំង និងបទសម្អាតប្រាក់ ដែលបានប្រព្រឹត្តនៅក្នុងប្រទេសកម្ពុជា និងទីកន្លែងផ្សេងទៀត ចាប់តាំងពីឆ្នាំ២០១៩ រហូតមកដល់បច្ចុប្បន្ន បទល្មើសមានបញ្ញត្តិឱ្យផ្តន្ទាទោសតាមមាត្រា ៣៧៧ និងមាត្រា ៣៨០ នៃក្រមព្រហ្មទណ្ឌ និងមាត្រា ៣៨ នៃច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេរវកម្ម។

គួរបញ្ជាក់ផងដែរថា លោក លី គួង ដែលមានងារជា «ឧកញ៉ា» បានធ្វើជំនួញខុសច្បាប់ និងកាងបទល្មើស Scams Online នេះយ៉ាងខ្លាំង និងជាច្រើនកន្លែងដែលអ្នកល្មមៗមិនសូវស្គាល់ និងលឺឈ្មោះនោះទេ៕