តារាចម្រៀងសម្លេងធ្ងន់ លោក ENO អីណូ ជួបទុក្ខធំដោយឪពុកជាទីស្រលាញ់ជា(អតិតទាហានចូលនិវត្តន៍) បានទទួលមរណភាពនាយប់ថ្ងៃទី២៤ ខែធ្នូ ឆ្នាំ២០២៥ ដោយដំណឹងនេះបានធ្វើឲ្យបណ្ដាអ្នកគាំទ្រក៏ដូចជាមិត្តរួមអាជីពសិល្បៈជាច្រើន មានការសោកស្ដាយ និងចូលរួមរំលែកទុក្ខ ព្រមទាំងលួងលោមលើកទឹកចិត្តដល់តារាចម្រៀងប្រុសរូបនេះឲ្យរឹងមាំឡើង ក្នុងខណៈពេលប្រទេសកំពុងរងការឈ្លានពាន មានបន្ថែមនៅទុក្ខធំបាត់បង់សមាជិកគ្រួសារទៀត។

ដោយក្នុងនោះ លោក ENO ក៏បានបង្ហោះសំណេរទាំងក្ដុកក្ដួលទាលោកពុកបែបនេះថា៖ «អតិតទាហានពិការ ចូលនិវត្តន៍ ដ៏ខ្លាំងរបស់កូន ប៉ាលែងហត់ហើយ សូមប៉ាទៅឱ្យស្ងប់ណា ប៉ាណា កើតជាណាណា កូនសូមកើតជាកូនប៉ាទៀតណា»។

សូមបញ្ជាក់ផងដែរថា ពិធីបុណ្យសពឪពុក លោក ENO រៀបចំធ្វើឡើងតាមប្រពៃណី នៅបុរីពិភពថ្មីចំការដូង ផ្លូវលេខ9 ផ្ទះលេខ136 ចំពោះបងប្អូនញាតិមិត្តជិតឆ្ងាយ អាចអញ្ចើញចូលរួម បាននៅទីតាំងខាងលើដែល លោក ENO បានបញ្ជាក់នេះផងដែរ៕