ជនភៀសខ្លួនដែលបានភៀសខ្លួនចេញពីព្រំដែនកម្ពុជា-ថៃ ស្ថិតក្រោមភាពតានតឹងយ៉ាងធ្ងន់ធ្ងរ ដោយក្រុមហ៊ុនហិរញ្ញវត្ថុអំពាវនាវទាមទារឱ្យមានការបង់រំលោះ ហើយមនុស្សជាច្រើនបានខ្ចីលុយពីសាច់ញាតិដើម្បីសងបំណុលដោយភ័យខ្លាចថាយានយន្តរបស់ពួកគេនឹងត្រូវដកហូតមកវិញ ខណៈភាពតានតឹងតាមព្រំដែន​បាន​អូសបន្លាយ​អស់​រយៈពេល​ជាង ១២​ថ្ងៃ​មក​ហើយ ធ្វើ​ឲ្យ​ពួក​គេ​មិន​អាច​ធ្វើ​ការ និង​គ្មាន​ប្រាក់​ចំណូល។ នេះបើតាមសារព័ត៌មានថៃ Khaosod។

អ្នកភូមិរាប់ពាន់នាក់មកពីតំបន់ព្រំដែនដែលបានជម្លៀសទៅជម្រកនៅក្នុងខេត្ត Buriram កំពុងជួបប្រទះភាពតានតឹងកាន់តែខ្លាំងឡើង ដោយសារតែពួកគេមិនអាចធ្វើការ និងគ្មានប្រាក់ចំណូលជិតពីរសប្តាហ៍ ខណៈមនុស្សជាច្រើនត្រូវបានម្ចាស់បំណុល និងក្រុមហ៊ុនហិរញ្ញវត្ថុ ទាមទារការបង់រំលស់រថយន្ត និងម៉ូតូ។ ប្រការនេះ ធ្វើឱ្យមានការព្រួយបារម្មណ៍ ព្រោះមិនដឹងថា រកលុយឯណា ដើម្បីបង់រំលស់ ដោយមិនអាចរកចំណូលបានជាង១០ថ្ងៃ។ ការសន្សំអ្វីក៏ដោយដែលពួកគេបានចំណាយភាគច្រើន ក្នុងអំឡុងពេលជម្លៀស។

ជនភៀសសឹកទាំងនោះ​បារម្ភ​ថា​យានជំនិះ​របស់​ពួកគេ​នឹង​ត្រូវ​បាន​គេ​យក​មកវិញ​ព្រោះ​យានជំនិះ​ទាំងនេះ​មាន​សារៈសំខាន់​សម្រាប់​ការ​ចិញ្ចឹមជីវិត ដោយពេលនេះពួកគេកំពុងជំរុញឱ្យក្រុមហ៊ុនហិរញ្ញវត្ថុ និងម្ចាស់បំណុលផ្តល់ការបន្ធូរបន្ថយ ឬពន្យារការបង់ប្រាក់ ដើម្បីកាត់បន្ថយបន្ទុកលើអ្នករស់នៅតាមព្រំដែន ដោយសារគ្មាននរណាម្នាក់ដឹងថានៅពេលណាដែលការប្រយុទ្ធនឹងបញ្ចប់ ឬនៅពេលណាដែលពួកគេអាចត្រឡប់ទៅធ្វើការធម្មតាវិញ។

ប្រភពដដែលបានសម្ភាសន៍ជនភៀសសឹកថៃដោយបួកគេបាននិយាយថា សង្ឃឹមថា ស្ថានការណ៍នឹងបញ្ចប់ក្នុងពេលឆាប់ៗនេះ ដូច្នេះពួកគេអាចត្រឡប់ទៅរកជីវភាព ចិញ្ចឹមគ្រួសារ និងសងបំណុលគេវិញ ហើយ​ក៏​សង្ឃឹម​ថា រដ្ឋាភិបាលថៃ​នឹង​ផ្តល់​ជំនួយ​សមរម្យ​ដល់​អ្នក​ដែល​រង​ផល​ប៉ះពាល់៕