បងស្រីបង្កើតរបស់ វីរៈកងទ័ពវ័យក្មេង ប៊ុង តុងធៀន ដែលបានពលីជីវិតការពារបូរណភាពទឹកដីក្នុងវ័យ ២០ឆ្នាំ បានបង្ហោះសំណេរមួយទាំងក្ដុកក្ដួលរំជួលចិត្តមិនអស់អាល័យពីប្អូនប្រុសជាទីស្រលាញ់ ដែលបានបាត់ដំណឹងអស់រយៈពេលជាង ១០ថ្ងៃ ទើបតែទទួលដំណឹងថាប្អូនប្រុសបានពលីជីវិតសឹងតែទទួលយកមិនបាន។

នេះបើតាមសំណេររបស់ បងស្រីបង្កើតរបស់ វីរៈកងទ័ពវ័យក្មេងរូបនេះមានគណនីឈ្មោះ Skylaa Lee បានរៀបរាប់បែបនេះថា៖ «រយះពេល12ថ្ងៃមកនេះបងបានត្រឹមរងចាំផ្លូវប្អូនលេបបាយក៏មិនចូលគេងក៏មិនលក់នឹកខ្វាយខ្វល់ពីប្អូនគ្រប់ពេលទោះក្នុងចិត្តមានតែ1%ក៏សង្ឃឹមតើហេតុអ្វីដាច់ចិត្តចាកចោលបងទុកអោយបងនៅឯកាចឹងហា៎»។

ក្រោយពីបានឃើញបែបនេះហើយ មហាជនអ្នកលេងបណ្ដាញសង្គមជាច្រើនបានបង្ហាញអារម្មណ៍សោកស្ដាយចូលរួមរំលែកទុក្ខដល់ក្រុមគ្រួសារ វីរៈកងទ័ព ប៊ុង តុងធៀន បន្ថែមពីប្រជាពលរដ្ឋកម្ពុជាទាំងអស់ពិតជាគោរពដឹងគុណនៅវីរៈភាពដ៏អង់អាចក្លាហាន ហ៊ានលះបង់សាច់ស្រស់ឈាមស្រស់រួមទាំងជីវិតដើម្បីការពារជាតិមាតុភូមិពីការឈ្លានពានថៃផងដែរ៕