អ្នកផលិតមាតិកាម្ហូបអាហារដ៏ល្បី កញ្ញា ឆម ស្រីផាច ជាកូនអ្នកខេត្តបន្ទាយមានជ័យ បានបង្ហោះសំណេរមួយក្នុងបណ្ដាញសង្គមធ្វើឲ្យមហាជនមានការព្រួយបារម្ភយ៉ាងខ្លាំង ដោយមុននេះបន្តិចអ្នកផលិតមាតិការូបនេះ បានប្រកាសថាខ្លួនក្លាយជាជនភៀសសឹកហើយ។

ដោយកន្លងមកក្នុងកាលៈទេសៈដែលប្រទេសកំពុងតែរងការឈ្លានពាន កញ្ញា ឆម ស្រីផាច ក្នុងខេត្តរបស់ខ្លួនផ្ទាល់ អ្នកផលិតមាតិការូបនេះតែងតែចូលរួមជួយជារឿយៗដោយមិនគិតពីការនឿយហត់ តាមរយៈកៀរគរថវិកាជំនួយពីសប្បុរជន រៀបចំស្បៀងអាហារជូនដល់ពលរដ្ឋភៀសសឹកដែលរងគ្រោះត្រូវជម្លៀសចេញពីផ្ទះ ក៏ដូចជាវីរៈកងទ័ពជួរមុខដែលឈរជើងការពារជាតិមាតុភូមិ។

សូមបញ្ជាក់ផងដែរ កញ្ញា ឆម ស្រីផាច គឺជាអ្នកផលិតមាតិកាម្ហូបអាហារបែបជនបទដ៏ល្បីមួយរូបក្នុងបណ្ដាញសង្គម ដែលគ្រប់គ្នាចាប់អារម្មណ៍ខ្លាំងតាមរយៈការបង្ហាញពីរបៀបធ្វើម្ហូបថ្មីៗ រួមផ្សំជាមានសម្លេងពីកំណើតកាន់តែមានភាពទាក់ទាញមួយកម្រិតទៀត បន្ថែមពីនេះអ្វីដែលមហាជនកាន់តែស្ញប់ស្ញែង និងពេញចិត្តនោះ គឺកញ្ញា ឆម ស្រីផាច មានទឹកចិត្តដ៏ប្រពៃតែងតែចម្អិតម្ហូបអាហារឆ្ងាញ់ៗដល់ក្មេងៗក្នុងភូមិ ក៏ដូចជាប្រជាជនដែលមានភាពខ្វះខាតដែរ៕ អត្ថបទដោយ៖ Sun Darasy